മീൻ വാങ്ങുമ്പോൾ ചില കാര്യങ്ങൾ ശ്രദ്ധിക്കാം

ഒരു നേരം എങ്കിലും മീൻ ഇല്ലാതെ മലയാളികൾക്ക് ചോറ് കഴിക്കാൻ പറ്റില്ല.

നല്ല മീനുകൾ മാർക്കറ്റിൽ നിന്നും തിരഞ്ഞെടുക്കുക എന്നത് നമുക്കെല്ലാം വളരെ അധികം ചലഞ്ചിങ്ങായിട്ടുള്ള കാര്യമാണ്.

മീൻ വാങ്ങുമ്പോൾ അതിൻ്റെ തിളക്കമുള്ള കണ്ണുകൾ, ചുവന്ന ചെകിള, ഉറച്ച മാംസം, നല്ല ഗന്ധം എന്നിവ ശ്രദ്ധിക്കണം.

നല്ല മത്സ്യവും കേടായവയും നോക്കി വാങ്ങാൻ അറിഞ്ഞിരിക്കേണ്ട ചില കാര്യങ്ങൾ:-

രക്തവർണ്ണത്തിലുള്ള ചെകിളപ്പൂവാണെങ്കിൽ മീൻ നല്ലതാണെന്ന് ഉറപ്പിക്കാം.

നല്ല മീൻ ആണെങ്കിൽ നല്ല വൃത്താകൃതിയിലുള്ള കണ്ണുകളായിരിക്കും. പഴകിയ മീനുകളുടെ കണ്ണുകൾ കുഴിഞ്ഞതും നീല നിറമുള്ളതും ആയിരിക്കും.

നല്ല മീനിൽ നിന്നും കടുത്ത നിറത്തിലുള്ള ചോരയാണ് പുറത്ത് വരുന്നത്.

നല്ല തിളക്കമുള്ള തൊലിയോടുകൂടിയ മീൻ പുതിയതാണെന്ന് തിരിച്ചറിയാം. തിളക്കമില്ലാത്തതും ഉറപ്പില്ലാത്തതുമായ തൊലിയുള്ള മീൻ ഒഴിവാക്കുക.

രാസവസ്തുക്കൾ ഉപയോ​ഗിച്ചിട്ടുണ്ടെങ്കിൽ മീനിന്റെ ​ഗന്ധത്തിൽ വ്യത്യാസമുണ്ടാകും.