പാത്രം കഴുകുമ്പോൾ ശ്രദ്ധിക്കേണ്ട ചില കാര്യങ്ങൾ

ഭക്ഷണം ഉണ്ടാക്കുന്നതിനെക്കാൾ സമയം വേണ്ടി വരുന്ന ജോലിയാണ് പാത്രം വൃത്തിയാക്കൽ.

സമയമെടുത്ത് ഇതെല്ലാം വൃത്തിയാക്കിയിട്ട് നന്നായി ഇരുന്നില്ലെങ്കിൽ അത് ഇരട്ടിപ്പണിയുമാകും.

ഇക്കാര്യങ്ങൾ ശ്രദ്ധിച്ചാൽ മതി, പാത്രം കഴുകുമ്പോൾ ഉണ്ടാകുന്ന ഇരട്ടിപ്പണി ഒഴിവാക്കാം.

പഴയ ടൂത്ത്ബ്രഷുകൾ കളയാതെ സൂക്ഷിച്ചാൽ അരിപ്പയും മറ്റും എളുപ്പം വൃത്തിയാക്കാൻ ഉപയോഗിക്കാം.

കൈയിൽ അൽപം എണ്ണ പുരട്ടിയശേഷം പാത്രം കഴുകിയാൽ കൈയുടെ മൃദുത്വം നഷ്ടപ്പെടാതിരിക്കും.

നാരങ്ങാ പിഴിഞ്ഞ ശേഷം തൊണ്ടു കളയേണ്ട. അൽപം ഉപ്പിൽ മുക്കി മെഴുക്കു പിടിച്ച പാത്രത്തിൽ തേയ്ക്കുക. പാത്രത്തിൽ മെഴുക്ക്, ഒരു ന്യൂസ്പേപ്പർ കൊണ്ടു തുടച്ച ശേഷം കഴുകിയാൽ എളുപ്പം വൃത്തിയാകും.

കുട്ടികളുടെ ലഞ്ച് ബോക്സ് കഴുകിയശേഷം ഒരു നാരങ്ങാമുറികൊണ്ട് ഉരച്ചാൽ ദുർഗന്ധം ഉണ്ടാവില്ല.

മിക്സിയിൽ നിന്നു മസാല മണം മാറ്റാൻ ഒരു നാര കഷ്ണം ഇട്ട് വെള്ളവും ഡിഷ് വാഷ് ലിക്വിഡും ഇട്ടതിന് ശേഷം ഒന്ന് മികിസി ഓൺ ചെയ്ത് കഴുകിയാൽ മികിസിയിലെ അഴുക്കും മണവും മാറികിട്ടും.

പാത്രങ്ങൾ വൃത്തിയാക്കാൻ സോപ്പ് ഉപയോഗിക്കണമെങ്കിലും അമിതമായി സോപ്പ് ഉപയോഗിക്കുന്നത് ഒഴിവാക്കണം.

സ്ഥിരമായി ഒരു സ്പോഞ്ച് തന്നെ പാത്രം വൃത്തിയാക്കാൻ ഉപയോഗിക്കരുത്. കാരണം നിരന്തരമായി ഒന്ന് തന്നെ ഉപയോഗിക്കുമ്പോൾ അതിൽ കറയും അണുക്കളും ഉണ്ടാവുകയും നമ്മുടെ കൈകളിലേക്ക് പകരുകയും ചെയ്യുന്നു.