പാതിരാത്രിയിലെ വിശപ്പ്; ഈ പ്രശ്നമൊഴിവാക്കാൻ ചില ടിപ്സ്

രാത്രി ഭക്ഷണം കഴിച്ച് കഴിഞ്ഞാലും ഏറെ നേരം ഉറങ്ങാതിരുന്നാല്‍ അപ്പോള്‍ വിശപ്പിന്‍റെ വിളിയായി.പിന്നെ കയ്യില്‍ കിട്ടുന്നതെല്ലാം കഴിക്കും.

പാതിരാത്രിയിലെ വിശപ്പ് വളരെ അനാരോഗ്യകരമായൊരു ശീലം തന്നെയാണ്.‌‌

അമിതവണ്ണം, പ്രമേഹം, ദഹനപ്രശ്നങ്ങള്‍, ഉറക്കമില്ലായ്മ, പകല്‍സമയത്ത് തളര്‍ച്ച തുടങ്ങി പല പ്രശ്നങ്ങളിലേക്കും ഇത് നമ്മളെ നയിക്കാം.

പാതിരാത്രിയില്‍ എഴുന്നേറ്റ് ഭക്ഷണസാധനങ്ങള്‍ തപ്പാതിരിക്കാൻ ഇവ നിങ്ങളെ സഹായിച്ചേക്കും.

ഭക്ഷണത്തിന് ശേഷം രാത്രിയിൽ ഏറെ നേരം ഫോണോ ലാപ്ടോപ്പോ ടിവിയോ നോക്കിയിരിക്കുന്ന ശീലം മാറ്റുക.

നേരത്തെ ഭക്ഷണം കഴിച്ചതിന് ശേഷം 2,3 മണിക്കൂറിനുള്ളിൽ ഉറങ്ങുന്നത് ശീലമാക്കുക.

പ്രോട്ടീൻ കാര്യമായി അടങ്ങിയ ഭക്ഷണം തന്നെ അത്താഴമായി കഴിക്കുക. ഇത് വിശപ്പിനെ നല്ലരീതിയില്‍ ശമിപ്പിക്കും.കൂടാതെ ഇൻസുലിൻ ഹോര്‍മോണ്‍ പ്രവര്‍ത്തനങ്ങളെ സ്വാധീനിച്ച്- പ്രോട്ടീൻ വിശപ്പിനെ കുറയ്ക്കുകയും ചെയ്യുകയാണ്.

മൈൻഡ്‍ഫുള്‍ ഈറ്റിംഗ് പരിശീലിക്കുന്നതും വളരെ നല്ലതാണ്.ഭക്ഷണം വളരെ പതിയെ, മനസറിഞ്ഞ് കഴിക്കുക. ഇതാണ് മൈൻഡ്‍ഫുള്‍ ഈറ്റിംഗ്. അമിതമായി എന്തെങ്കിലും ഭക്ഷണം പാതിരാത്രിയില്‍ കഴിക്കുന്നത് ഒഴിവാക്കാൻ ഈ പരിശീലനം സഹായിക്കും.

രാത്രിയില്‍ എന്തെങ്കിലും കഴിക്കണമെന്ന് തോന്നിയാല്‍ അല്‍പം നട്ട്സ് കഴിക്കുക. നട്ട്സിലുള്ള ഹെല്‍ത്തി ഫാറ്റ് നമ്മുടെ വിശപ്പിനെ പെട്ടെന്ന് ശമിപ്പിക്കും.

മാനസിക പിരിമുറുക്കങ്ങൾ ഒഴിവാക്കുക.സ്ട്രെസ്സ് പാതി രാത്രിയിലുള്ള വിശപ്പിന് കാരണമാകും.