വസ്ത്രത്തിൽ പറ്റിപ്പിടിച്ച കറ ഏതും ആകട്ടേ, അവ നീക്കം ചെയ്യാൻ ഇതാ ചില പൊടിക്കൈകൾ

എത്ര ശ്രദ്ധിച്ചാലും വസ്ത്രങ്ങളിൽ കറപിടിക്കുന്നത് സ്വാഭാവികമാണ്.

എന്നാൽ എത്ര കഴുകിയിലും ചില സമയങ്ങളിൽ വസ്ത്രത്തിൽ പറ്റിപ്പിടിച്ച കറ പോകാറില്ല.

എങ്കിൽ ഈ പൊടിക്കൈകൾ ചെയ്തു നോക്കൂ, കറ എളുപ്പം നീക്കം ചെയ്യാം.

ലിപ്സ്റ്റിക്ക് കറ

വസ്ത്രത്തിൽ പറ്റിപ്പിടിച്ച ലിപ്സ്റ്റിക് കറ ഇല്ലാതാക്കാൻ ഹെയർ സ്പ്രേ മതി. ഇത് കറയുള്ള ഭാഗത്ത് സ്പ്രേ ചെയ്യണം. ശേഷം കുറച്ച് നേരം അങ്ങനെ തന്നെ വെച്ചിരിക്കാം. അതുകഴിഞ്ഞ് തുണി ഉപയോഗിച്ച് തുടച്ചെടുക്കണം. ശേഷം നന്നായി കഴുകിയെടുത്താൽ മതി. കറ ഇല്ലാതാകുന്നു.

വിയർപ്പിന്റെ കറ

നാരങ്ങ നീരും അതിൽ ഉപ്പും ചേർത്ത് കറയുള്ള ഭാഗത്ത് തേച്ചുപിടിപ്പിക്കാം. അതുകഴിഞ്ഞ് കഴുകിയെടുത്താൽ മതി. ഇത് വിയർപ്പിന്റെ കറ ഇല്ലാതാക്കാൻ സഹായിക്കുന്നു.

ചോക്ലേറ്റിന്റെ കറ

ചോക്ലേറ്റിന്റെ കറ പറ്റിപ്പിടിച്ച ഭാ​ഗത്ത് സോഡ ഒഴിച്ചതിന് ശേഷം കുറച്ച് നേരം അങ്ങനെ തന്നെ സൂക്ഷിക്കാം. അതുകഴിഞ്ഞ് നന്നായി കഴുകിയെടുത്താൽ മതി.

എണ്ണക്കറ

വസ്ത്രത്തിലെ എണ്ണക്കറയുള്ള ഭാഗത്ത് ബേക്കിംഗ് സോഡ നന്നായി തേച്ചുപിടിപ്പിക്കണം ശേഷം കുറച്ച് നേരം അങ്ങനെ തന്നെ വെച്ചിരിക്കാം. അതുകഴിഞ്ഞ് ബ്രഷ് ഉപയോഗിച്ച് ഉരച്ച് കഴുകിയാൽ മതി.

കാപ്പിക്കറ

കാപ്പിക്കറയുള്ള ഭാഗത്ത് വിനാഗിരി ഒഴിച്ചതിന് ശേഷം കുറച്ച് നേരം അങ്ങനെ വെച്ചിരിക്കാം. അതുകഴിഞ്ഞ് തണുത്ത വെള്ളത്തിൽ കഴുകണം. ഇത് കറയെ എളുപ്പം നീക്കം ചെയ്യുന്നു.