എ എം
ഐപിഎല്‍ (IPL) ചരിത്രത്തില്‍ ഏറ്റവും വേഗമേറിയ മൂന്നാമത്തെ സെഞ്ച്വറി നേട്ടത്തിന്റെ റെക്കോര്‍ഡിനൊപ്പമെത്തിയിരിക്കുകയാണ് ദക്ഷിണാഫ്രിക്കന്‍ ബാറ്ററും സണ്‍റൈസേഴ്‌സ് ഹൈദരാബാദിന്റെ താരവുമായ ഹെയ്ന്റിച് ക്ലാസന്‍
കൊല്‍ക്കത്ത നൈറ്റ് റൈഡേഴ്‌സിനെതിരായ മത്സരത്തില്‍ ക്ലാസന്‍ 37 പന്തിലാണ് സെഞ്ച്വറി അടിച്ചത്. 37 പന്തില്‍ സെഞ്ച്വറി നേടിയ യൂസുഫ് പഠാന്റെ റെക്കോര്‍ഡിനൊപ്പമാണ് ക്ലാസന്‍.
ഐപിഎല്ലില്‍ 30 പന്തില്‍ സെഞ്ച്വറിയടിച്ച ക്രിസ് ഗെയ്‌ലാണ് ഒന്നാം സ്ഥാനത്ത്. 2013ല്‍ പുനെ വാരിയേഴ്‌സിനെതിരെ ആര്‍സിബിക്ക് വേണ്ടിയാണ് ഗെയ്ല്‍ നേട്ടം സ്വന്തമാക്കിയത്
ഈ സീസണിലെ വണ്ടര്‍ കിഡ് വൈഭവ് സൂര്യവംശി ആണ് രണ്ടാം സ്ഥാനത്ത്. ഗുജറാത്ത് ടൈറ്റന്‍സിനെതിരായ മത്സരത്തില്‍ രാജസ്ഥാന്‍ റോയല്‍സിന് വേണ്ടി 35 പന്തിലാണ് താരം റെക്കോര്‍ഡ് പ്രകടനം പുറത്തെടുത്തത്.
ഡേവിഡ് മില്ലറാണ് അഞ്ചാം സ്ഥാനത്ത്. 2013ല്‍ ആര്‍സിബിക്കെതിരെ പഞ്ചാബ് കിംഗ്‌സിന് വേണ്ടിയാണ് താരം അതിവേഗ സെഞ്ച്വറി കണ്ടെത്തിയത്. 38 പന്തിലാണ് സെഞ്ച്വറി തികച്ചത്.
ട്രാവിസ് ഹെഡ് ആണ് ആറാം സ്ഥാനത്ത്. 2024ല്‍ ആര്‍സിബിക്കെതിരെ സണ്‍റൈസേഴ്‌സ് ഹൈദരാബാദിന് വേണ്ടി 39 പന്തിലാണ് സെഞ്ച്വറി നേട്ടം സ്വന്തമാക്കിയത്.
പ്രിയാന്‍ഷ് ആര്യ ട്രാവിസ് ഹെഡുമായി റെക്കോര്‍ഡ് പങ്കിട്ടു. ചെന്നൈ സൂപ്പര്‍ കിംഗ്‌സിനെതിരായ മത്സരത്തില്‍ 39 പന്തില്‍ തന്നെയാണ് പഞ്ചാബ് കിംഗ്‌സിന് വേണ്ടി താരം സെഞ്ച്വറി കണ്ടെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates