യാത്രയ്ക്കായി പെട്ടി പായ്ക്ക് ചെയ്തോ? ഈ കാര്യങ്ങൾ ശ്രദ്ധിക്കാം

യാത്രകൾ ചെയ്യാൻ എല്ലാവർക്കും ഇഷ്ടമാണ്.

തിരക്കേറിയ ജീവതത്തിനിടെയില്‍ ആകെയുള്ളൊരു ആശ്വാസം ഇത് തന്നെയാണ്.

ഇത്തരത്തില്‍ പോകുമ്പോള്‍ മറന്നുപോകാതെ ശ്രദ്ധിക്കേണ്ട കുറേയേറെ കാര്യങ്ങളുണ്ട്.

കാലാവസ്ഥ

യാത്രക്കായി തിരഞ്ഞെടുക്കുന്ന സ്ഥലത്തിന്റെ കാലാവസ്ഥ എങ്ങനെ ആണെന്ന് പരിശേധിക്കേണ്ടത് അത്യാവശ്യമാണ്. യാത്രയുടെ മുഴുവൻ പ്ലാനുകളും ഇത് ചുറ്റിപ്പറ്റി കൊണ്ടായിരിക്കും.

യാത്ര പോകേണ്ട വഴികൾ സുരക്ഷിതമാണെന്ന് ഉറപ്പു വരുത്തുക

നമുക്ക് യാത്ര പോകേണ്ട വഴികളും റോഡുകളും ഗതാഗതയോഗ്യമാണെന്നും അത് വാഹനങ്ങൾക്കായി തുറന്നു നൽകിയിട്ടുണ്ടെന്നും ഉറപ്പു വരുത്തുക. സോളോ യാത്രയാണ് ചെയ്യുന്നതെങ്കിൽ ഇക്കാര്യം ഉറപ്പായും പരിശോധിക്കണം.

വാഹനം.

യാത്രയ്ക്കായി വാഹനം തിരഞ്ഞെടുക്കുമ്പോൾ മറ്റ് കേടുപാടുകൾ ഇല്ലെന്നു പരിശോധിക്കേണ്ടതാണ്. അതുപോലെ തന്നെ യാത്ര പോകുന്ന സ്ഥലത്തേക്കുള്ള പബ്ലിക്ക് ട്രാൻസ്പോർട്ടേഷൻ എങ്ങനെ,എപ്പോൾ,എവിടെ നിന്ന് ഇതെല്ലാം പരിശോധിച്ച് ഉറപ്പാക്കേണ്ടതുണ്ട്.

ആവശ്യമുള്ള വസ്തുക്കൾ കൈയിൽ കരുതുക

ഏത് കാലാവസ്ഥയിൽ യാത്ര ചെയ്യുകയാണെങ്കിലും ഉറപ്പായും കൈയിൽ കരുതേണ്ട ചില കാര്യങ്ങളുണ്ട്. അത് യാതൊരു വിധ ടെൻഷനും ഇല്ലാതെ യാത്ര പോകാൻ സഹായിക്കും. കേടുവരാത്ത ലഘുഭക്ഷണങ്ങൾ, ടോർച്ച്, ഫസ്റ്റ് എയിഡ് കിറ്റ്, ആവശ്യമായ മരുന്നുകൾ എന്നിവയും കൈയിൽ കരുതേണ്ടതാണ്.

യാത്രാവിവരം കൃത്യമായി ആരെയെങ്കിലും അറിയിക്കുക

നിങ്ങൾ യാത്ര പോകുന്നത് ചിലപ്പോൾ തനിച്ചോ മറ്റ് ചിലപ്പോൾ കുടുംബവുമായോ, സുഹൃത്തുക്കളുമായോ ആയിരിക്കും. യാത്ര ഏതു വിധത്തിലാണ് പോകുന്നതെങ്കിലും നിങ്ങളുടെ യാത്ര സംബന്ധിച്ച് സുഹൃത്തോ ബന്ധുവോ ആയ ഒരാളെയെങ്കിലും കൃത്യമായി അറിയിക്കുക.

വസ്ത്രം

യാത്രപോകുന്ന സ്ഥലത്തെ കാലവസ്ഥയ്ക്ക് അനുയോജ്യമായ വസ്ത്രങ്ങൾ തിരഞ്ഞെടുക്കുക. ഒരു ദിവസത്തെ യാത്രയാണെങ്കിലും ഒരു ജോഡി വസ്ത്രം കൂടി ഒപ്പം കരുതുക.

ആഹാരം കൃത്യമായി കഴിക്കുക

യാത്രകൾ പോകുമ്പോൾ മിക്ക ആളുകളും ആഹാരം കഴിക്കുന്നതിൽ വീഴ്ച വരുത്താറുണ്ട്. സമയത്തിന് കഴിക്കാതിരിക്കുക, ചിലപ്പോൾ കഴിക്കാതെ തന്നെ ഇരിക്കുക. പക്ഷെ ഇവ നിങ്ങളുടെ ആരോ​ഗ്യത്തേയും തുടർന്നുള്ള യാത്രകളേയും ബാധിക്കും.

വെള്ളം

യാതയിലുടനീളം കയ്യിൽ ആവശ്യത്തിന് വെള്ളം കരുതണം. നിർജ്ജലീകരണത്തിലേക്കു ശരീരം പോകാതെ കാത്തു സൂക്ഷിക്കണം.