കടയിൽ നിന്ന് വാങ്ങുന്ന ദോശമാവ് സേഫാണോ ?

ജോലിത്തിരക്കും മറ്റും കാരണം കടയിൽ നിന്ന് വാങ്ങുന്ന ദോശമാവിനെ ആശ്രയിക്കുന്നവരാണ് മിക്ക ആളുകളും.

എന്നാൽ എളുപ്പപണിയ്ക്ക് പിന്നാലെ പോകുമ്പോൾ ഇതിന് പിന്നിലെ അപകടങ്ങളെക്കുറിച്ച് ആരും ഇതുവരെ ആലോചിക്കാറില്ല എന്നതാണ് യാഥാർത്ഥ്യം.

സമയം ലാഭിക്കാമെങ്കിലും ഇത്തരത്തിലുള്ള ദോശമാവ് സ്ഥിരമായി ഉപയോ​ഗിക്കുമ്പോൾ ഉണ്ടാവുന്ന ദോഷവശങ്ങളും ഏറെയാണ്.

ഇത്തരത്തിൽ പാക്കറ്റുകളിലാക്കി കടകളിൽ വിൽക്കുന്ന ​ദോശമാവ് മൂൻകൂട്ടി പുളിപ്പിക്കുന്നത് കൊണ്ട് ഒരു നിശ്ചിത സമയത്തിൽ കൂടുതൽ ഫ്രിഡ്ജിന് പുറത്ത് വയ്ക്കുന്നത് അപകടകാരികളായ ബാക്ടീരിയകൾക്ക് വളരാനുള്ള സാഹചര്യം ഒരുക്കുന്നു.

ഇത്തരത്തിലുള്ള മാവിന്റെ ഉപഭോ​ഗം വയറിളക്കത്തിനും ഛർദ്ദിലിനും കാരണമാവുന്നു.

പാക്കറ്റു മാവുകളിൽ രുചി നിലനിർത്താനും കേടാവാതിരിക്കാനും പ്രിസർവേറ്റീവുകളും റെ​ഗുലേറ്ററുകളും ഉപയോ​ഗിക്കുന്നു.

ഭക്ഷ്യ സുരക്ഷാ മാനദണ്ഡങ്ങൾ കൃത്യമായി പാലിക്കുന്നുണ്ടെങ്കിലും. സ്ഥിരമായി ഇത് ഉപയോ​ഗിക്കുന്നത് പോഷകാഹാര ലഭ്യതയെ ബാധിച്ചേക്കാം.

കേടാവാതിരിക്കാൻ ചേർക്കുന്ന ദഹന പ്രശ്നത്തിനും അലർജിയ്ക്കും കാരണമായേക്കാം.

പ​രമ്പരാ​ഗതമായി വീട്ടിൽ ദോശമാവ് ഉണ്ടാക്കുമ്പോൾ ഒരു സ്വഭാവിക പ്രക്രിയയാണ്. ഇത് ദഹനത്തെ സഹായിക്കുന്ന ബാക്ടീരിയകളെ ഉത്പാദിപ്പിക്കുന്നു. ഇത് കുടലിന്റെ ആരോ​ഗ്യത്തെ സഹായിക്കുന്നുണ്ട് എന്നാൽ പാക്കറ്റ് മാവിൽ സ്വഭാവിക മാവിനെ അപേക്ഷിച്ച് ഈ ​ഗുണങ്ങൾ കുറവായിരിക്കും.

മാവ് എപ്പോഴും ഫ്രിഡ്ജിൽ തന്നെ സൂക്ഷിക്കണമെന്നാണ് വിദ​ഗ്ധർ നിർദേശിക്കുന്നത്.

അമിതമായ പുളിച്ച മണം, പാക്കറ്റ് വീർത്തിരിക്കുന്നത് എന്നിവ ശ്രദ്ധയിൽപ്പെട്ടാൽ മാവ് പിന്നീട് ഉപയോ​ഗിക്കാതിരിക്കാനും നിർദേശമുണ്ട്.