'എന്റെ കണ്ണാടി പൂ; അവളില്ലാതെ എന്റെ യാത്ര ഇത്ര സന്തോഷകരമാകില്ല'

കാർത്തിക് സുബ്ബരാജ് സംവിധാനം ചെയ്ത് സൂര്യ നായകനായെത്തുന്ന ചിത്രമാണ് റെട്രോ.

ചിത്രത്തിൽ പൂജ ഹെഗ്‌ഡെയാണ് സൂര്യയുടെ നായികയായെത്തുന്നത്.റെട്രോ

വെള്ളിയാഴ്ച ചെന്നൈയിൽ വച്ച് ചിത്രത്തിന്റെ ഓഡിയോ, ട്രെയ്‌ലർ ലോഞ്ച് നടന്നിരുന്നു. ചടങ്ങിൽ സൂര്യ ജ്യോതികയെ കുറിച്ച് പറഞ്ഞ വാക്കുകളാണിപ്പോൾ ശ്രദ്ധേയമാകുന്നത്.

"ഒരുപാട് ലെയറുകളുള്ള സിനിമയാണിത്. ലവ് ലാഫ്റ്റർ വാർ... ഇത് ആസ്വ​ദിക്കൂ. ഞാൻ നിങ്ങളെയെല്ലാം സ്നേഹിക്കുന്നു".

"ഞാനിവിടെ നിൽക്കാൻ കാരണം നിങ്ങളാണ്, നിങ്ങളുടെ സ്നേഹം കൊണ്ടാണ്". - സൂര്യ പറഞ്ഞു.

"തീർച്ചയായും, എന്റെ കണ്ണാടി പൂവ് ജോയ്ക്കും (ജ്യോതിക) ഞാൻ നന്ദി പറയുന്നു. അവളില്ലാതെ എന്റെ യാത്ര ഇത്ര സന്തോഷകരമാകില്ല".- സൂര്യ കൂട്ടിച്ചേർത്തു.

സന്തോഷ് നാരായണൻ ആണ് ചിത്രത്തിന് സം​ഗീതമൊരുക്കിയിരിക്കുന്നത്. ചിത്രത്തിലെ കണ്ണാടി പൂവ് എന്ന ​ഗാനം ഇതിനോടകം തന്നെ ഹിറ്റാണ്.

മെയ് ഒന്നിനാണ് റെട്രോ റിലീസ് ചെയ്യുന്നത്.