ടേസ്റ്റി നോമ്പ് തുറ തരിക്കഞ്ഞി വീട്ടിലുണ്ടാക്കാം

ഇഫ്താർ മേശകളിൽ ബിരിയാണിയും സ്നാക്സും എത്രയുണ്ടെങ്കിലും തരിക്കഞ്ഞിയുടെ സ്ഥാനം എന്നും ഒന്നാമതാണ്.

വളരെ എളുപ്പത്തിൽ നോമ്പ് തുറ തരിക്കഞ്ഞി എങ്ങനെ ഉണ്ടാക്കാമെന്ന് നോക്കിയാലോ

ആവശ്യ സാധനങ്ങൾ

റവ- 1കപ്പ്

തേങ്ങ പാൽ- 1കപ്പ്‌

പഞ്ചസാര- 1/2 കപ്പ്

ഏലക്കായ- 4എണ്ണം

അണ്ടിപ്പരിപ്പ്- 10എണ്ണം

മുന്തിരി- 10

നെയ്യ്- 2 ടീസ് സ്പൂൺ

ചെറിയ ഉള്ളി – 2എണ്ണം

ഉപ്പ് – ഒരു നുള്ള്

വെള്ളം – ആവശ്യത്തിന്

ഉണ്ടാക്കുന്ന വിധം

ആദ്യം ഒരു പത്രത്തിൽ ആവശ്യത്തിന് വെള്ളം അടുപ്പത്തു വെച്ച് തിളക്കുമ്പോൾ ഏലക്കായ, റവ എന്നിവ ചേർത്ത് നന്നായി വേവിക്കുക.

ഇതിലേക്ക് പഞ്ചസാര, ഒരു നുള്ള് ഉപ്പ് എന്നിവ ചേർത്ത് നന്നായി ഇളക്കുക.

വേവായതിനു ശേഷം തേങ്ങാപാൽ ഒഴിച്ചു 1 മിനിറ്റ് ചൂടായാൽ ഇറക്കി വെക്കുക.

ഒരു പാൻ അടുപ്പത്ത് വെച്ച് നെയ്യ് ഒഴിച്ചു ചെറിയ ഉള്ളി, അണ്ടിപ്പരിപ്പ്, മുന്തിരി വറുത്തു തരിക്കഞ്ഞിയിലേക്ക് ഒഴിക്കുക.

വളരെ എളുപ്പത്തിൽ ഉണ്ടാക്കാവുന്ന ടേസ്റ്റി നോമ്പ് തുറ തരിക്കഞ്ഞി റെഡി.