കൈയ്യിലെ മീൻ മണം നിമിഷങ്ങൾക്കകം മാറ്റം

മീൻ വൃത്തിയാക്കുകയോ കറിവെക്കുകയോ ചെയ്ത ശേഷം കൈകളിൽ ആ മണം കുറച്ചുനേരത്തേക്ക് തങ്ങിനിൽക്കുന്നത് ഒരു സാധാരണ അനുഭവമാണ്.

എത്ര സോപ്പ് ഉപയോഗിച്ച് കഴുകിയാലും മീനിലെ പ്രത്യേകതരം എണ്ണകളും സംയുക്തങ്ങളും ഉണ്ടാക്കുന്ന ഈ ദുർഗന്ധം പൂർണ്ണമായി മാറാറില്ല.

രാസവസ്തുക്കൾ ഉപയോഗിക്കാതെ, അടുക്കളയിലുള്ള ചില സാധനങ്ങൾ ഉപയോഗിച്ച് കൈകളിൽ നിന്ന് ഈ മീൻ മണം ഫലപ്രദമായി നീക്കം ചെയ്യാൻ സഹായിക്കുന്ന വീട്ടുവൈദ്യങ്ങൾ ഇതാ.

കാപ്പിപ്പൊടി

മീൻ കഴുകിയ ശേഷം കൈകളിൽ അൽപം കാപ്പിപ്പൊടി എടുത്ത് നന്നായി ഉരസിയാൽ മതി. കാപ്പിയിലെ ശക്തമായ സുഗന്ധം മീൻ ഗന്ധത്തെ വേഗത്തിൽ ഇല്ലാതാക്കാൻ സഹായിക്കും.

നാരങ്ങ

നാരങ്ങയുടെ നീര് കൈകളിൽ പിഴിഞ്ഞ ശേഷം അതിന്റെ തൊണ്ട് ഉപയോഗിച്ച് കൈകളിൽ നന്നായി ഉരസുക. നാരങ്ങയിലെ സിട്രിക് ആസിഡ് മണം ഉണ്ടാക്കുന്ന സംയുക്തങ്ങളെ ഇല്ലാതാക്കും.

കുടംപുളി

കുടംപുളി കുറഞ്ഞ അളവിൽ വെള്ളത്തിലിട്ട് കുതിർത്ത ശേഷം അത് കൊണ്ട് കൈകളിൽ തിരുമ്മി കഴുകിയാലും മീൻ മണം മാറും.

പുതിന ഇല

രണ്ടോ മൂന്നോ പുതിന ഇലകൾ കൈകളിൽ എടുത്ത് തിരുമ്മുക. ഇത് ദുർഗന്ധത്തെ അതിവേഗം ഇല്ലാതാക്കാനും കൈകൾക്ക് ഉന്മേഷം നൽകാനും സഹായിക്കും.