നൂറ്റാണ്ടിലെ ഏറ്റവും വലിയ സൂര്യഗ്രഹണം വരുന്നു

ലോകം ഒരു വലിയ സൂര്യഗ്രഹണത്തിന് സാക്ഷ്യം വഹിക്കാൻ പോകുന്നു.

ചന്ദ്രൻ ഭൂമിക്കും സൂര്യനുമിടയിൽ നേർരേഖയിൽ വരികയും സൂര്യപ്രകാശത്തെ പൂർണ്ണമായി തടയുകയും ചെയ്യുന്ന പൂർണ്ണ സൂര്യഗ്രഹണമാണ് നടക്കാൻ പോകുന്നത്.

2027 ഓഗസ്റ്റ് 2നാണ് ആകാശം ഇരുട്ടുമൂടുന്ന ഈ അപൂർവ്വ പ്രതിഭാസം സംഭവിക്കുക.

ഈ നൂറ്റാണ്ടിലെ ഏറ്റവും ദൈർഘ്യമേറിയ സമ്പൂർണ സൂര്യഗ്രഹണങ്ങളിൽ ഒന്നായാണ് ഇതിനെ കാണുന്നത്.ഏകദേശം 6 മിനിറ്റ് 23 സെക്കൻഡ് ദൈർഘ്യമാണ് ഉണ്ടാവുക.

ചന്ദ്രൻ സൂര്യനെ പൂർണമായി മറയ്ക്കുമ്പോൾ പകൽ സമയം ഏതാനും മിനിറ്റുകൾ രാത്രി പോലെയാകും.

ഈ സമയത്ത് ആകാശത്ത് നക്ഷത്രങ്ങള്‍ ദൃശ്യമാവുകയും അന്തരീക്ഷത്തില്‍ ചൂടിന് നേരിയ കുറവുണ്ടായിരിക്കുകയും ചെയ്യും.

സ്പെയിൻ, മൊറോക്കോ, ഈജിപ്ത്, സൗദി അറേബ്യ, ലിബിയ, യെമൻ തുടങ്ങിയ രാജ്യങ്ങളിൽ ഈ സൂര്യ​ഗ്രഹണം വ്യക്തമായി ദൃശ്യമാകും.

2027 ഓഗസ്റ്റിലെ സൂര്യഗ്രഹണം ഇന്ത്യയിലും പരിസര രാജ്യങ്ങളിലും ദൃശ്യമാകില്ല.

പ്രത്യേക എക്ലിപ്സ് ​ഗ്ലാസ് ഇല്ലാതെ നേരിട്ട് സൂര്യനെ നോക്കരുത്.