സിഗരറ്റ് വലിക്കാത്തവർക്കും ചുണ്ട് കറുക്കും; പിന്നിലെ കാരണം അറിയാമോ?

ചുണ്ട് ഒന്ന് ഇരുണ്ട് പോയാൽ മിക്ക ആളുകളും കേൾക്കുന്ന ഒന്നാണ് "നല്ല വലിയാണല്ലേ ?" എന്ന്

എന്നാൽ സി​ഗരിറ്റ് വലിച്ചാൽ മാത്രമല്ല ചുണ്ടുകൾ കറക്കുന്നത് അതിന് പിന്നിൽ വേറേയും കാരണങ്ങൾ ഉണ്ട്.

ചുണ്ട് ഇരുണ്ടു പോകാനുള്ള ചില പൊതു കാരണങ്ങൾ നോക്കാം.

സ്ഥിരമായി വെയിൽ കൊള്ളുന്നത്

ചുണ്ടുകൾക്ക് പ്രകൃതിദത്തമായി മെലാനിനോ സൂര്യനെ ചെറുക്കാനുള്ള കവചമോ ഇല്ല. അതിനാൽ തന്നെ സ്ഥിരമായി വെയിൽ കൊള്ളുന്നത്, അൾട്രാ വയലറ്റ് രശ്മികൾ ഏൽക്കുന്നതൊക്കെ ചുണ്ടുകളിൽ കറുത്ത പാടുകളും കരുവാളിപ്പും ഉണ്ടാക്കും.

നിർജ്ജലീകരണം

ആവശ്യത്തിന് വെള്ളം കുടിക്കാത്തതും ചുണ്ടുകളിൽ ഈർപ്പം നിലനിർത്തുന്ന തരം വസ്തുക്കൾ പുരട്ടാത്തതും ഒക്കെ ചുണ്ടിനെ ഇരുണ്ടതാക്കും.

മോശം ശീലങ്ങൾ

പുകവലി, സ്ഥിരമായുള്ള ചായ/കാപ്പി കുടി, അമിതമായി കൃത്രിമ മധുരപലഹാരങ്ങൾ കഴിക്കുക ഒക്കെ ചുണ്ടിന്റെ നിറത്തിനു മങ്ങൽ ഏൽപ്പിക്കും.

സ്ഥിരമായ സംരക്ഷണ രീതിയില്ലാത്തത്

ചുണ്ടുകളെ പരിപാലിക്കുന്ന സ്ഥിരമായൊരു രീതിയില്ലെങ്കിലും വൃത്തിയാക്കൽ കൃത്യമല്ലെങ്കിലും മൃതകോശങ്ങളും മെയ്ക്കപ്പിന്റെ അംശവും ഒക്കെ അടിഞ്ഞ് ചുണ്ടുകൾ നിറം കെടാം.

ജനിതക മാറ്റവും ഹോർമോൺ വ്യതിയാനും കൊണ്ടും

ചിലയാളുകൾക്ക് സ്ഥിരമായി ഇരുണ്ട ചുണ്ടുകളാണ്. അതിനു പിന്നിൽ ജനിതകപരമായ വ്യത്യാസങ്ങളും ഹോർമോണിൽ വരുന്ന ഏറ്റക്കുറവുകളുമാകാം.