സമകാലിക മലയാളം ഡെസ്ക്
ഗൂഗിള്‍ അടുത്തിടെ പുറത്തിറക്കിയ ആന്‍ഡ്രോയിഡ് 15 ഓപ്പറേറ്റിങ് സിസ്റ്റത്തിലാണ് തെഫ്റ്റ് ഡിറ്റക്ഷന്‍ ലോക്ക്, ഓഫ്‌ലൈന്‍ ഡിവൈസ് ലോക്ക്, റിമോട്ട് ലോക്ക് തുടങ്ങിയ ഫീച്ചറുകള്‍ അവതരിപ്പിച്ചത്
ഉപയോക്താക്കളുടെ സ്മാര്‍ട്ട്ഫോണുകളോ ടാബ്ലെറ്റുകളോ നഷ്ടപ്പെടുകയോ മോഷ്ടിക്കപ്പെടുകയോ ചെയ്താല്‍ സ്വകാര്യ ഡാറ്റ സംരക്ഷിക്കാന്‍ ലക്ഷ്യമിട്ടാണ് ഗൂഗിള്‍ ഈ ഫീച്ചറുകള്‍ അവതരിപ്പിച്ചത്.
ഫോണ്‍ ഉപയോഗിക്കുന്നതിനിടയില്‍ ആരെങ്കിലും ഫോണ്‍ തട്ടിയെടുക്കുകയാണെങ്കില്‍ തെഫ്റ്റ് ഡിറ്റക്ഷന്‍ ലോക്ക് ഫീച്ചര്‍ ഉടന്‍ തന്നെ പ്രവര്‍ത്തനക്ഷമമാകുന്ന തരത്തിലാണ് സംവിധാനം. ഫോണിന്റെ സ്‌ക്രീന്‍ പെട്ടെന്ന് ഓഫാക്കി, അനുമതിയില്ലാതെ മോഷ്ടാവിന് സ്വകാര്യ വിവരങ്ങള്‍ കാണുന്നത് അസാധ്യമാക്കുന്നു.
തെഫ്റ്റ് ഡിറ്റക്ഷന്‍ ഫീച്ചര്‍ ആക്റ്റിവേറ്റായാല്‍ ഫോണ്‍ വീണ്ടും ഉപയോഗിക്കുന്നതിന് മുമ്പ് ഒരു പാസ്‌കോഡ്, ഫിംഗര്‍പ്രിന്റ് അല്ലെങ്കില്‍ ഫേഷ്യല്‍ റെക്കഗ്‌നിഷന്‍ ഉപയോഗിച്ച് ഫോണ്‍ അണ്‍ലോക്ക് ചെയ്യേണ്ടി വരും. ഇത് സ്വകാര്യ ഡാറ്റ സുരക്ഷിതമായി സൂക്ഷിക്കാന്‍ സഹായിക്കുന്നതാണ്.
ഫോണില്‍ സെറ്റിങ്‌സ് ആപ്പില്‍ ഗൂഗിള്‍ എടുത്ത് ഓള്‍ സര്‍വീസസ് ടാപ്പ് ചെയ്ത ശേഷമാണ് തെഫ്റ്റ് ഡിറ്റക്ഷന്‍ ഫീച്ചര്‍ തെരഞ്ഞെടുക്കേണ്ടത്
തെഫ്റ്റ് ഡിറ്റക്ഷന്‍ ലോക്കിന് പുറമേ ഉപയോഗിക്കാത്ത സമയത്ത് ഓട്ടോമാറ്റിക്കായി ഫോണിന്റെ സ്‌ക്രീന്‍ ലോക്ക് ആയി സംരക്ഷണം നല്‍കുന്ന ഓഫ്‌ലൈന്‍ ഡിവൈസ് ലോക്ക്, റിമോട്ട് ലോക്ക് എന്ന് ഫീച്ചറുകളും ഇതില്‍ കാണാം. ആവശ്യം അനുസരിച്ച് ആക്ടിവേറ്റ് ചെയ്യാന്‍ കഴിയുന്നവിധമാണ് സംവിധാനം ഒരുക്കിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates