റാഗി കഴിച്ചാല്‍ ഗുണങ്ങള്‍ ഒട്ടനവധി

പ്രമേഹത്തെ നിയന്ത്രിക്കുന്നത് മുതല്‍ പല രോഗങ്ങളും വരാതിരിക്കാന്‍ വരെ ഉപകരിക്കുന്ന ഒന്നാണ് റാഗി.

തടി കുറയ്ക്കാന്‍ ശ്രമിക്കുന്നവര്‍ ഗോതമ്പിനു പകരം റാഗിപ്പൊടി ഉപയോഗിക്കുന്നത് പെട്ടെന്ന് തടി കുറയ്ക്കാൻ സഹായിക്കുന്നു.

ആഴ്ചയിൽ ഒന്ന് രണ്ട് തവണയെങ്കിലും റാഗി കഴിക്കുന്നത് ശീലമാക്കുക.

റാ​ഗി കഴിച്ചാൽ ലഭിക്കുന്ന ആ​രോ​ഗ്യ ​ഗുണങ്ങൾ എന്തൊക്കെയെന്ന് നോക്കാം.

മസിലുകൾ സ്‌ട്രോംഗ് ആയിരിക്കാന്‍ സഹായിക്കുന്ന ഒന്നാണ് പ്രോട്ടീന്‍. റാഗിയില്‍ ധാരാളം പ്രോട്ടീന്‍ അടങ്ങിയിരിക്കുന്നു.

റാഗിയില്‍ ധാരാളം ഫൈബര്‍ അടങ്ങിയിരിക്കുന്നതിനാല്‍ തന്നെ ഇത് വേഗത്തില്‍ വയര്‍ നിറയുന്ന അനുഭൂതി ഉണ്ടാക്കുന്നു. അതിനാല്‍ തന്നെ നമുക്ക് ഭക്ഷണം അമിതമായി കഴിക്കാന്‍ സാധിക്കാത്ത അവസ്ഥ വരുന്നു.

ചര്‍മ്മത്തിന് വേഗത്തില്‍ പ്രായം തോന്നിപ്പിക്കാതിരിക്കാനുള്ള ആന്റി- ഏജിംഗ് പ്രോപര്‍ട്ടി റാഗിയില്‍ അടങ്ങിയിരിക്കുന്നു. ഇത് ചര്‍മ്മത്തില്‍ ചുളിവുകള്‍ വീഴാതെ നല്ലരീതിയില്‍ സംരക്ഷിക്കുന്നതിന് വളരെയധികം സഹായിക്കുന്നുണ്ട്. കൂടാതെ, ചര്‍മ്മത്തെ മൊത്തത്തില്‍ ഭംഗി വയ്ക്കാനും റാഗിയില്‍ അടങ്ങിയിരിക്കുന്ന വിറ്റാമിന്‍ ഇ പോലെയുള്ള ഘടകങ്ങള്‍ സഹായിക്കുന്നു.

റാഗിയില്‍ കെരാറ്റിന്‍ പ്രോട്ടീന്‍ അടങ്ങിയിരിക്കുന്നതിനാല്‍ തന്നെ, ഇത് മുടിയുടെ ആരോഗ്യത്തിനും വളര്‍ച്ചയ്ക്കും വളരെയധികം സഹായിക്കുന്നു.

റാഗിയില്‍ ധാരാളം കാല്‍ത്സ്യം അടങ്ങിയിരിക്കുന്നതിനാല്‍ ഇത് എല്ലുകളുടെ ആരോഗ്യത്തിനും അതുപോലെ, പല്ലിന്റെ ആരോഗ്യത്തിനും നല്ലതാണ്.

നല്ല പച്ച റാഗി കഴിക്കുന്നത് മുലപ്പാല്‍ കൂടുവാന്‍ സഹായിക്കും. ഇത്കഴിക്കുന്നതിലൂടെ ഹിമോഗ്ലോബിന്റെ അളവ് കൂടുകയും ഇത് പാല്‍ ഉല്‍പാദനത്തിന് സഹായിക്കുകയും ചെയ്യും.