പല്ലിലെ മഞ്ഞ നിറമാണോ പ്രശ്നം? പരിഹാരം വീട്ടിൽ ഉണ്ട്

ചായ, കാപ്പി എന്നിവയുടെ അമിത ഉപയോഗം, പുകവലി, ശരിയായ ശുചിത്വമില്ലായ്മ തുടങ്ങിയവയൊക്കെയാണ് പല്ലുകളുടെ നിറം മങ്ങുന്നതിനും മഞ്ഞനിറം വരാനും കാരണം.

വീട്ടിലെ ചില പദാർത്ഥങ്ങൾ ഉപയോ​ഗിച്ച് ഈ പ്രശ്നത്തിന് പരിഹാരം കണ്ടെത്താൻ സാധിക്കും.

ബേക്കിംഗ് സോഡയും നാരങ്ങ നീരും

1 ടീസ്പൂൺ ബേക്കിംഗ് സോഡ കുറച്ച് തുള്ളി നാരങ്ങാനീരുമായി കലർത്തി പേസ്റ്റ് രൂപത്തിലാക്കുക. ടൂത്ത് ബ്രഷ് ഉപയോഗിച്ച് പല്ലുകളിൽ പുരട്ടുക. 1 മിനിറ്റ് കഴിഞ്ഞ് നന്നായി കഴുകുക.

ഓയിൽ പുള്ളിംഗ്

രാവിലെ എഴുന്നേറ്റ ഉടൻ ഒരു ടേബിൾ സ്പൂൺ വെളിച്ചെണ്ണ വായിലൊഴിച്ച് 15-20 മിനിറ്റ് നേരം കുലുക്കുക, ശേഷം തുപ്പിക്കളഞ്ഞ ശേഷം വായ നന്നായി കഴുകുക. ഇത് പല്ലിലെ ബാക്ടീരിയകളെ നീക്കം ചെയ്യാനും തിളക്കം നൽകാനും സഹായിക്കുന്നു.

പഴങ്ങളുടെ തൊലികൾ

ഏത്തപ്പഴം, ഓറഞ്ച്, നാരങ്ങ എന്നിവയുടെ തൊലിയുടെ ഉൾഭാഗം ഉപയോഗിച്ച് പല്ലുകളിൽ 2 മിനിറ്റ് നന്നായി ഉരസുക. ഇതിലെ മഗ്നീഷ്യം, പൊട്ടാസ്യം എന്നിവ പല്ലിന്റെ ആരോഗ്യം വർദ്ധിപ്പിക്കുകയും തിളക്കം നൽകുകയും ചെയ്യുന്നു.

ആപ്പിൾ സിഡെർ വിനഗർ

കുറച്ച് ആപ്പിൾ സിഡെർ വിനഗർ വെള്ളത്തിൽ ചേർത്ത് നേർപ്പിക്കുക. ഇത് ഉപയോഗിച്ച് വായ കഴുകാം. വിനഗർ അമ്ലഗുണമുള്ളതിനാൽ ഉപയോഗത്തിന് ശേഷം ശുദ്ധജലം ഉപയോഗിച്ച് വായ നന്നായി കഴുകാൻ മറക്കരുത്.