കൈപ്പത്തി എപ്പോഴും വിയർക്കുന്നതിന് കാരണം ഇവയാണ്

കെെകൾ എപ്പോഴും വിയർക്കുന്നത് ശരിക്കും അസ്വസ്ഥത ഉളവാക്കുന്നതാണ്.

ഇടയ്ക്കിടെ വിയർക്കുന്നത് സാധാരണമാണെങ്കിലും, തുടർച്ചയായി വിയർക്കുന്നത് ചില ആരോ​ഗ്യപ്രശ്നങ്ങളുടെ ലക്ഷണമാണ്.

കെെപ്പത്തി വിയർക്കുന്നതിന്റെ ചില കാരണങ്ങളെ കുറിച്ചാണ് ഇനി പറയുന്നത്.

ഹൈപ്പർഹൈഡ്രോസിസ് എന്ന അവസ്ഥയാണ് ആദ്യത്തെ കാരണം. കൈകളിൽ അമിതമായി വിയർക്കുന്നതിനുള്ള ഏറ്റവും സാധാരണമായ കാരണം പ്രൈമറി ഹൈപ്പർഹൈഡ്രോസിസ് എന്നറിയപ്പെടുന്ന ഒരു അവസ്ഥയാണ്. പ്രൈമറി ഹൈപ്പർഹൈഡ്രോസിസ് കേസുകളിൽ സാധാരണയായി രാത്രിയിൽ വിയർപ്പ് കുറയുന്നു.

ഉത്കണ്ഠയും സമ്മർദ്ദവുമാണ് മറ്റൊരു കാരണം. സമ്മർദ്ദ ഹോർമോണുകൾ വിയർപ്പ് ഗ്രന്ഥികളെ സജീവമാക്കുന്നു. പ്രത്യേകിച്ച് കൈകൾ, കാലുകൾ, കക്ഷങ്ങൾ എന്നിവയിൽ.

ഹൈപ്പർതൈറോയിഡിസം എന്നറിയപ്പെടുന്ന അമിതമായി പ്രവർത്തിക്കുന്ന തൈറോയ്ഡ്, മെറ്റബോളിസം വർദ്ധിപ്പിക്കുകയും അമിതമായ വിയർപ്പിന് കാരണമാവുകയും ചെയ്യും.

പ്രമേഹരോഗികളിൽ, പ്രത്യേകിച്ച് രക്തത്തിലെ പഞ്ചസാരയുടെ അളവ് കുറയുന്നത് വിയർപ്പ്, വിറയൽ, തലകറക്കം എന്നിവയ്ക്ക് കാരണമാകും.

പ്രായപൂർത്തിയാകുമ്പോഴോ ഗർഭകാലത്തോ, ആർത്തവവിരാമത്തിലോ ഉണ്ടാകുന്ന ഹോർമോൺ വ്യതിയാനങ്ങൾ വിയർപ്പ് വർദ്ധിപ്പിക്കും. ചിലരിൽ ഈ ഘട്ടങ്ങളിൽ കൈകൾ വിയർക്കുന്നത് വർദ്ധിച്ചതായി കണ്ടേക്കാം.