ഈ ഭക്ഷണങ്ങൾ കുട്ടികൾക്ക് നിർബന്ധമായും കൊടുക്കണം

കുട്ടികൾക്ക് എപ്പോഴും ആരോ​ഗ്യകരമായ ഭക്ഷണം തന്നെയാണ് നൽകേണ്ടത്.

കുട്ടികളുടെ മാനസിക, ശാരീരിക വികസനത്തിന് അനുയോജ്യമായ രീതിയിലുള്ള ഭക്ഷണങ്ങൾ വേണം അവർക്ക് നൽകാൻ

കുട്ടികൾക്ക് നൽകേണ്ട ചില ഭക്ഷണങ്ങൾ നോക്കാം

പാലുൽപ്പന്നങ്ങൾ

പ്രോട്ടീൻ, കാൽസ്യം, വിറ്റാമിൻ ബി 12 എന്നിവ അടങ്ങിയ പാലുൽപ്പന്നങ്ങൾ ഡയറ്റിൽ നിർബന്ധമായും ഉൾപ്പെടുത്തുക. പാലുൽപ്പന്നങ്ങൾ കഴിക്കുന്നത് കുട്ടികളിൽ അസ്ഥി ധാതുക്കളുടെ അളവ് വർദ്ധിപ്പിക്കുന്നതിനും സഹായിക്കുന്നു.

മുട്ട

മുട്ടയിൽ പ്രോട്ടീൻ, കോളിൻ , ഇരുമ്പ്, മറ്റ് സൂക്ഷ്മ പോഷകങ്ങൾ എന്നിവ അടങ്ങിയിരിക്കുന്നു. മുട്ട നൽകുന്നത് ബു​ദ്ധി വികാസത്തിനും ഓർമ്മശക്തി കൂട്ടാനും സഹായിക്കും.

പയർവർഗ്ഗങ്ങൾ

പയർവർഗ്ഗങ്ങളിൽ സസ്യ പ്രോട്ടീൻ, നാരുകൾ, ഫോളേറ്റ്, ഇരുമ്പ്, സിങ്ക് എന്നിവ അടങ്ങിയിരിക്കുന്നു. ശരിയായ രീതിയിൽ കുതിർക്കുകയും പാചകം ചെയ്യുകയും ചെയ്യുന്നത് ദഹനാരോ​ഗ്യത്തിന് സഹായിക്കുന്നു.

പാലക്ക് ചീര, മാതളനാരങ്ങ

തലച്ചോറിന്റെ വികാസത്തിനും വൈജ്ഞാനിക പ്രവർത്തനത്തിനും ഇരുമ്പ് നിർണായകമാണ്. ഇരുമ്പിന്റെ ആഗിരണം വർദ്ധിപ്പിക്കുന്നതിന് പാലക്ക് ചീര, മാതളനാരങ്ങ, പോലുള്ളവ നൽകുക.

നട്സ്

ആരോഗ്യകരമായ കൊഴുപ്പുകൾ, പ്രോട്ടീൻ, സിങ്ക്, വിറ്റാമിൻ ഇ എന്നിവ അടങ്ങിയ നട്സ് ബുദ്ധിവികാസത്തിന് സഹായിക്കുന്നു. കുട്ടികൾക്ക് നട്സ് സ്മൂത്തിയിലോ അല്ലാതെയോ നൽകാവുന്നതാണ്.