കയ്യിൽ കിട്ടിയ പഴങ്ങളെല്ലാം കൂടി അടിച്ചു ജ്യൂസ് ആക്കരുത്; ചിലത് പണി തരും!

കയ്യില്‍ കിട്ടിയ പഴങ്ങളെല്ലാം ഒന്നിച്ചു കൂടി ഒരു ജ്യൂസ് അടിച്ചു കുടിക്കാമെന്ന് ചിന്തിക്കുന്നതിന് മുന്‍പ് ഇക്കാര്യങ്ങള്‍ ശ്രദ്ധിക്കണം. ചില പഴങ്ങള്‍ ഒരുമിച്ച് ചേര്‍ത്ത് ജ്യൂസ് അടിച്ചു കുടിക്കുന്നത് ദഹനപ്രശ്‌നങ്ങള്‍ക്ക് കാരണമാകും.

ഓറഞ്ചും വാഴപ്പഴവും

ഓറഞ്ചും പഴവും ഒരുമിച്ച് ജ്യൂസ് ആക്കി കുടിക്കുന്നത് ദഹനപ്രശ്‌നങ്ങള്‍ ഉണ്ടാക്കാം. ഓറഞ്ചിന് അസിഡിക് സ്വഭാവമുണ്ട് അത് പഴവുമായി ചേരുമ്പോള്‍ ബ്ലോട്ടിങ്, വയറിന് അസ്വസ്ഥത എന്നിവയ്ക്ക് കാരണമാകാം.

ആപ്പിളും ഓറഞ്ചും

ആപ്പിളും ഓറഞ്ചും പോഷകങ്ങളുടെ കാര്യത്തില്‍ മികച്ചതാണ്. എന്നാല്‍ ഇവ രണ്ടും ഒരുമിച്ച് ജ്യൂസ് ആക്കി കുടിക്കാമെന്ന് കരുതിയാല്‍ വയറ്റില്‍ പിടിക്കണമെന്നില്ല. ഇത് ദഹനം മന്ദഗതിയിലാക്കാനും വയറ്റില്‍ അസ്വസ്ഥതയുണ്ടാക്കാനും കാരണമാകും.

തണ്ണിമത്തനും വാഴപ്പഴവും

വേനല്‍കാലത്ത് ഇവ രണ്ടും ശരീരത്തിന് മികച്ചതാണ്. എന്നാല്‍ രണ്ടും ഒരുമിച്ച് ജ്യൂസ് ആക്കി കുടിക്കുന്നത് ദഹന പ്രശ്നങ്ങളിലേക്ക് നയിക്കാം.

പൈനാപ്പിളും മാമ്പഴവും

പൈനാപ്പിളില്‍ അടങ്ങിയ ബ്രോമെലേന്‍ എന്ന എന്‍സൈം മാമ്പഴവുമായി പ്രതികരിക്കാം. ഇത് വയറ്റിനുള്ളില്‍ അസ്വസ്ഥതയുണ്ടാക്കും. തലകറക്കം, ചര്‍ദ്ദി എന്നിവയ്ക്ക് കാരണമാകാം.

പേരക്കയും വാഴപ്പഴവും

ഇവ രണ്ടിലും നാരുകളുടെ അളവു വളരെ കൂടുതലാണ്. ഇവ രണ്ടും ഒരുമിച്ച് ജ്യൂസ് അടിച്ചു കുടിക്കുന്നത് വയറ്റില്‍ അസ്വസ്ഥത, ബ്ലോട്ടിങ് എന്നിവയിലേക്ക് കാരണമാകും.

പപ്പായയും നാരങ്ങയും

പപ്പായ ജ്യൂസിലേക്ക് അല്‍പം നാരങ്ങ പിഴിഞ്ഞു പരീക്ഷിക്കാമെന്ന അബദ്ധം കാണിക്കരുത്. ഇത് വയറു കേടാക്കും. ഇവ രണ്ടായി കഴിക്കുന്നതാണ് എപ്പോഴും നല്ലത്.

സ്‌ട്രോബെറിയും മുന്തിരിയും

നിരവധി പോഷകങ്ങള്‍ അടങ്ങിയിട്ടുണ്ടെങ്കിലും സ്ട്രോബെറിയും മുന്തിരിയും ഒരു നല്ല കോംമ്പോ അല്ല. ഇവ ഒരുമിച്ച് ജ്യൂസ് അടിച്ചു കുടിക്കുന്നത് ദഹന പ്രശ്നങ്ങള്‍ക്ക് കാരണമാകും.

ക്യാരറ്റും ഓറഞ്ചും

ക്യാരറ്റും ഓറഞ്ചും ഒരുമിച്ച് ചേര്‍ത്ത് ജ്യൂസ് അടിച്ചു കുടിക്കുന്നത് നെഞ്ചെരിച്ചില്‍ ദഹന പ്രശ്‌നങ്ങള്‍ എന്നിവയിലേക്ക് നയിക്കാം.