മൃഗങ്ങളുടെ കടിയേറ്റതിന് ശേഷം ഈ ലക്ഷണങ്ങൾ ഉണ്ടോ? ശ്രദ്ധിക്കണം

നാഡീവ്യവസ്ഥയെ ബാധിക്കുന്ന വൈറൽ രോഗമാണ് പേവിഷബാധ.

പേവിഷബാധയുള്ള നായ്ക്കൾ, വവ്വാൽ തുടങ്ങിയവയിൽ നിന്നുമാണ് ഈ രോഗം പടരുന്നത്.

പേവിഷബാധയുള്ള മൃ​ഗങ്ങൾ കടിക്കുകയോ, മാന്തുകയോ ചെയ്താൽ വൈറസ് പെട്ടെന്ന് ശരീരത്തിലേക്ക് പടരുന്നു. മാസങ്ങളോളം ശരീരത്തിൽ ഈ വൈറസ് ഉണ്ടാവാം.

ഇതിന്റെ പ്രാരംഭ ലക്ഷണങ്ങൾ ഒരിക്കലും അവഗണിക്കാൻ പാടില്ല.

മൃഗങ്ങളുടെ കടിയേറ്റതിന് ശേഷം ഉണ്ടാവുന്ന ഈ ലക്ഷണങ്ങൾ ശ്രദ്ധിക്കാം.

ചൊറിച്ചിൽ, വേദന

മൃഗത്തിന്റെ കടിയേറ്റ ഭാഗത്ത് ചൊറിച്ചിലോ വേദനയോ അനുഭവപ്പെട്ടാൽ ശ്രദ്ധിക്കണം. പേവിഷബാധയുടെ പ്രഥമ ലക്ഷണങ്ങൾ ഇതാണ്. കടിയേറ്റ് ദിവസങ്ങളോളം കഴിഞ്ഞിട്ടാണ് ലക്ഷണങ്ങൾ കണ്ടുതുടങ്ങുന്നത്.

പനി, ക്ഷീണം, തലവേദന, ശരീര വേദന

വൈറസ് ശരീരത്തിൽ പ്രവേശിച്ച് ദിവസങ്ങൾ കഴിയുമ്പോഴാണ് ഇത്തരം ലക്ഷണങ്ങൾ കണ്ടുതുടങ്ങുന്നത്. മൃഗത്തിന്റെ കടിയേറ്റതിന് ശേഷമാണ് ഈ ലക്ഷണങ്ങൾ കാണുന്നതെങ്കിൽ ശ്രദ്ധിക്കാം.

അമിതമായ ഉമിനീര്

നാഡീ സംവിധാനങ്ങളെ പൂർണമായും വൈറസ് ബാധിക്കാറുണ്ട്. ഇത് ഭക്ഷണം വിഴുങ്ങുന്നതിന് തടസ്സങ്ങൾ ഉണ്ടാക്കുകയും, വായിൽ നിന്നും അമിതമായി ഉമിനീരുണ്ടാവാനും പതയുണ്ടാവാനും കാരണമാകുന്നു. ഈ ലക്ഷണങ്ങൾ കണ്ടാൽ ഉടൻ ഡോക്ടറെ സമീപിക്കുക

ഭയം

വെള്ളത്തോടുള്ള ഭയമാണ് പേവിഷബാധയേറ്റാൽ പ്രകടമാകുന്ന പ്രധാന ലക്ഷണം. കൂടാതെ ഉത്കണ്ഠ, ഭയം തുടങ്ങിയ ലക്ഷണങ്ങളും കാണിക്കാറുണ്ട്. വെള്ളം കുടിച്ചിറക്കുമ്പോൾ തൊണ്ടയിൽ അനുഭവപ്പെടുന്ന വേദനയാണ് വെള്ളത്തോടുള്ള ഭയത്തിന് കാരണം.

ബുദ്ധിമുട്ടുകൾ

വൈറസ് തലച്ചോറിലേക്ക് എത്തുകയും, ഇത് ആശയ കുഴപ്പങ്ങൾ, ഉത്കണ്ഠ, മാനസിക സംഘർഷം, ഹാലൂസിനേഷൻ എന്നിവ ഉണ്ടാവാനും കാരണമാകുന്നു. ഇത്തരം സാഹചര്യങ്ങളിൽ മനുഷ്യരിൽ അക്രമണ സ്വഭാവവും ഉണ്ടാവാറുണ്ട്.