പല്ലുവേദന കുറയ്ക്കാൻ സഹായിക്കും ഇക്കാര്യങ്ങൾ

പല്ലുവേദന അനുഭവിക്കാത്തവർ വളരെ കുറവായിരിക്കും.

പല്ലുവേദന രണ്ട് ദിവസത്തില്‍ കൂടുകയാണെങ്കില്‍ വിദഗ്ധചികിത്സ ഉറപ്പായും തേടണം.

പല്ലുവേദനയുടെ തുടക്കത്തില്‍ പരീക്ഷിച്ചു നോക്കാവുന്ന ചില ടിപ്സ് പറഞ്ഞ് തരാം.

ഉപ്പ് വെള്ളം

ഉപ്പുവെള്ളം പ്രകൃതിദത്തമായ അണുനാശിനിയാണ്. ഇത് നിങ്ങളുടെ പല്ലുകൾക്കിടയിൽ കുടുങ്ങിക്കിടക്കുന്ന ഭക്ഷണ കണങ്ങളെയും അവശിഷ്ടങ്ങളെയും അയവുവരുത്താൻ സഹായിക്കുകയും വീക്കം കുറയ്ക്കാനും വായിലെ മുറിവുകൾ സുഖപ്പെടുത്താനും സഹായിക്കും.

ഗ്രാമ്പൂ

ഗ്രാമ്പൂ മോണരോഗങ്ങൾ തടയുകയുക മാത്രമല്ല രോഗാണുക്കളുടെ വളർച്ചയും തടയുന്നു. പല്ലുവേദനയുള്ള ഭാ​ഗത്ത് രണ്ടോ മൂന്നോ ​ഗ്രാമ്പൂ വയ്ക്കുക. കുറച്ച് നേരം കടിച്ചമർത്തി പിടിക്കുക.

ആന്റി ബാക്ടീരിയൽ മൗത്ത് വാഷ്

വായിലെ വേദനയും അണുബാധയും ഒഴിവാക്കാൻ ഏത് തരത്തിലുള്ള ആൻറി ബാക്ടീരിയൽ മൗത്ത് വാഷും ഉപയോഗിക്കാം. മോണകളുടെ വീക്കം കുറയ്ക്കാൻ ഇത് ഉപയോഗിക്കാം.

തുളസി വെള്ളം

തുളസി വെള്ളം കൊണ്ട് വായ കഴുകുക. തുളസി വെള്ളം കൊണ്ട് വായ കഴുകുന്നത് പല്ലിന് ചുറ്റും പ്ലാക്ക് അടിഞ്ഞുകൂടുന്നത് തടയുകയും അണുബാധ തടയുകയും ചെയ്യുന്നു.

പല്ല് വൃത്തിയാക്കുക.

വേദനയുള്ള പല്ലിന് ചുറ്റുമുള്ള ഭാഗം ടൂത്ത്പിക്കും ഡെന്റൽ ഫ്ലോസും ഉപയോഗിച്ച് വൃത്തിയാക്കുന്നത് മോണയിൽ കുടുങ്ങിയ ഭക്ഷണം മൂലമുള്ള വേദന ഒഴിവാക്കാൻ സഹായിക്കും.

തണുത്ത ഐസ് വെള്ളം

ഐസ് വെള്ളം ഉപയോ​ഗിക്കുമ്പോൾ രക്തക്കുഴലുകൾ ചുരുങ്ങാൻ കാരണമാകുന്നു. ഇത് വേദനയുടെ തീവ്രത കുറയ്ക്കുന്നു.