മുഖത്ത് മേക്കപ്പ് ഇടുന്നതിന് മുൻപ് ഈ കാര്യം ചെയ്യണേ, മറക്കരുത്

ചർമത്തിന്റെ നിറം, അണ്ടർടോൺ, ടെക്സ്ചർ, ഷേഡുകൾ എന്നിവ പരി​ഗണിച്ചു വേണം മേക്കപ്പ് ചെയ്യാൻ.

മേക്കപ്പ് ചെയ്യുന്നതിന് മുൻപ് ശ്രദ്ധിക്കേണ്ട ഒരു പ്രധാന കാര്യമാണ് സ്കിൻ പ്രെപ്പ് ചെയ്യുന്നത്.

മേക്കപ്പിന് നല്ല ഫിനിഷ്ങ്ങ് ലഭിക്കാനും ദീർഘനേരം നിലനിൽക്കുന്നതിനും, മേക്കപ്പ് പ്രോഡക്റ്റുകളുടെ പാർശ്വഫലങ്ങളെ ഒരു പരിധി വരെ തടയാനും ഇത് സഹായിക്കും.

മേക്കപ്പ് പ്രയോഗിക്കുന്നതിന് മുമ്പുള്ള സ്കിൻ പ്രെപ്പ് എങ്ങനെയെന്ന് നോക്കാം.

ക്ലെൻസിങ്

മേക്കപ്പ് ചെയ്യുന്നതിന് മുൻപ് ചർമത്തിൽ അടിഞ്ഞു കൂടിയ അഴുക്ക്, എണ്ണ, മാലിന്യം തുടങ്ങിയവ നീക്കം ചെയ്യുന്ന രീതി. ഇത് സ്കിൻ പ്രെപ്പിന്റെ പ്രധാന ഘട്ടമാണ്.

എക്സ്ഫോളിയേറ്റ് ചെയ്യുക

നിങ്ങളുടെ സ്കിന്നിന് ചേരുന്ന ഒരു ഫേസ് സ്ക്രബ് ക്രിം ഉപയോ​ഗിച്ച് മുഖം നന്നായി കഴുകുക. ചർമത്തെ ഒന്നു റിഫ്രഷ് ആക്കാൻ എക്സ്ഫോളിയേറ്റ് ചെയ്യുന്നത് സഹായിക്കും. ഇത് ചർമത്തിൽ നിന്ന് മൃതകോശങ്ങളെ നീക്കം ചെയ്ത് ചർമം മിനുസമുള്ളതാക്കുന്നു. ആഴ്ചയിൽ രണ്ട് തവണ ഇത് ചെയ്താൽ മതിയാകും.

ടോണർ

ടോണർ ചർമത്തിന്റെ സ്വാഭാവിക അസിഡിക് പിഎച്ച് നിലനിർത്തും.ആൽക്കഹോൾ രഹിതമായ ടോണർ ഒരു കോട്ടൺ പാഡ് ഉപയോ​ഗിച്ച് മുഖത്ത് സൗമ്യമായി സ്വൈപ്പ് ചെയ്യുക. അധിക സമയം കിട്ടുകയാണെങ്കിൽ ഷീട്ട് മാസ്ക് ഉപയോ​ഗിച്ച് ചർമത്തെ കൂടുതൽ തിളക്കമുള്ളതാക്കാം.

മോയ്‌സ്ചറൈസർ

മേക്കപ്പിന് മുൻപ് ഒരിക്കലും മോയ്സ്ചറൈസർ ഒഴിവാക്കരുത്. നിങ്ങളുടെ ചർമത്തിന് അനുയോജ്യമായ മോയ്സ്ചറൈസർ ഉപയോ​ഗിക്കുക

സൺസ്ക്രീൻ

പകൽ സമയമാണ് നിങ്ങൾ മേക്കപ്പ് ഇടുന്നത് എങ്കിൽ സൺസ്ക്രീൻ നിർബന്ധമായും ഉപയോ​ഗിക്കണം. സൂര്യപ്രകാശത്തിൽ നിന്നും ഷൂട്ടിം​ഗ് ലൈറ്റുകളിലൂടെ ഉള്ള രശ്മികളിൽ നിന്നും സ്കിന്നിനെ സംരക്ഷിക്കാൻ സൺസ്ക്രീൻ നല്ലതാണ്.

പ്രൈമർ

മേക്കപ്പ് ചെയ്യുന്നതിന് മുൻപുള്ള അവസാന ഘട്ടമായി ചർമത്തിൽ പ്രൈമർ നിർബന്ധമായും ചെയ്യണം. ചർമത്തിനും മേക്കപ്പിനും ഇടയിലുള്ള പാളിയാണ് പ്രൈമർ. ചർമത്തിന് അനുയോ​ഗ്യമായ പ്രൈമർ വേണം തിരഞ്ഞെടുക്കാൻ. ഇത് മേക്കപ്പിന് മികച്ച ഫിനിഷിങ് നൽകാൻ സഹായിക്കും.