മഴക്കാലത്ത് രോഗിയാകാതിരിക്കാം; ഇക്കാര്യങ്ങൾ ശ്രദ്ധിക്കൂ

തുടര്‍ച്ചയായ മഴയില്‍ യാത്ര ചെയ്യുന്നതും മഴകൊള്ളുന്നതുമെല്ലാം നമ്മളെ രോഗിയാക്കിയേക്കാം.

അതിനാൽ ആരോഗ്യത്തോടെ മഴക്കാലത്ത് കടന്ന് പോകാന്‍ ചില കാര്യങ്ങള്‍ ശ്രദ്ധിക്കാം.

മഴ നനഞ്ഞ് എത്തിയ ഉടന്‍ തന്നെ വസ്ത്രങ്ങള്‍ മാറാനും മുടി ഉണക്കാനും ശ്രദ്ധിക്കണം.

സോക്‌സ്, നനഞ്ഞ ഷൂസ് എന്നിവ ഉടനടി നീക്കം ചെയ്യുക.

നനഞ്ഞ വസ്ത്രങ്ങള്‍ ധരിച്ചാല്‍ ജലദോഷം, പനി, ന്യുമോണിയ എന്നിവയ്ക്ക് കാരണമാകും

നനഞ്ഞ വസ്ത്രങ്ങളും ചെരുപ്പുകളും ബാക്ടീരിയകളുടെ പ്രജനന കേന്ദ്രമാകുമെന്നോര്‍ക്കുക. അതിനാൽ അവ നന്നായി ഉണക്കിയ ശേഷം മാത്രം ഉപയോ​ഗിക്കുക.

മഴക്കാലത്ത് ഇളം ചൂടുവെള്ളത്തില്‍ കുളിക്കുന്നത് നല്ലതാണ്.

കാല്‍പ്പാദങ്ങള്‍ എപ്പോഴും സ്‌ക്രബ് ചെയ്ത് വൃത്തിയായി സൂക്ഷിക്കുക.

ശരീരത്തിന് ചൂടും ഊഷ്മളതയും നിലനിര്‍ത്തുന്നതിന് പുതിന ചായ, ഹെര്‍ബല്‍ ടീ, ഇഞ്ചി ചായ എന്നിവ കുടിക്കുക