സൺസ്ക്രീൻ പുരട്ടുമ്പോൾ ഇക്കാര്യങ്ങൾ ശ്രദ്ധിക്കണം

സൂര്യപ്രകാശത്തില്‍ നിന്നും, അള്‍ട്രാവയലറ്റില്‍ നിന്നും സംരക്ഷണം നല്‍കുവാനായി മിക്കവാറും പേര്‍ ഉപയോഗിയ്ക്കുന്ന ഒന്നാണ് സണ്‍സ്‌ക്രീന്‍.

എന്നാല്‍ സണ്‍സ്‌ക്രീന്‍ വെറുതേ ഉപയോഗിച്ചാല്‍ പോരാ, കൃത്യമായ രീതിയില്‍, കൃത്യമായവ ഉപയോഗിയ്ക്കുക എന്നതും ഏറെ പ്രധാനമാണ്.

എസ്പിഎഫ് 30ന് മുകളിലുള്ള സൺസ്ക്രീൻ ആണു നല്ലത്. ബ്രോ ഡ് സ്പെക്ട്രം, വാട്ടർ റെസിസ്റ്റന്റ് ഉള്ളവ തിരഞ്ഞെടുക്കാൻ ശ്രദ്ധിക്കുക. പുറത്തിറങ്ങുന്നില്ലെങ്കിൽ പോലും സൺസ്ക്രീൻ പുരട്ടണം.

നേരിട്ടു സൂര്യപ്രകാശമേൽക്കുന്ന ഇടങ്ങളിൽ ഏറെ നേരം ജോലി ചെയ്യുന്നവർ രണ്ടു മണിക്കൂര്‍ ഇടവേളയിൽ സൺസ്ക്രീൻ പുരട്ടണം.

ഇൻഡോർ ഡെസ്ക്ടോപ് ജോലി ചെയ്യുന്നവർ രാവിലെയും പിന്നീടു നാല് – അഞ്ചു മണിക്കൂർ കഴിഞ്ഞും സൺസ്ക്രീൻ പുരട്ടുക.

ചർമത്തിനു പിഗ്‌മെന്റേഷൻ പ്രശ്നങ്ങളുണ്ടെങ്കിൽ മൂന്നു തവണ സൺസ്ക്രീൻ പുരട്ടണം. രാവിലെ എട്ടു മണി, ഉച്ചയ്ക്ക് 12 മണി, വൈകിട്ട് നാലു മണി എന്നിങ്ങനെ ഇടവിട്ട് പുരട്ടുക.

സൺസ്ക്രീൻ പുരട്ടുമ്പോഴെല്ലാം മുഖം കഴുകേണ്ട ആവശ്യമില്ല. മേക്കപ് ഒന്നുമില്ലെങ്കിൽ ടിഷ്യു പേപ്പർ കൊണ്ടു മുഖം മെല്ലെ തുടച്ചശേഷം സൺസ്ക്രീൻ പുരട്ടുക.

മേക്കപ് ഉണ്ടെങ്കിൽ സൺസ്ക്രീൻ സ്റ്റിക് / സൺസ്ക്രീൻ സ്പ്രേ ഉപയോഗിച്ചശേഷം ബ്ലെൻഡ് ചെയ്ത്കൊടുത്താൽ മതി.