തടികൊണ്ടുള്ള കട്ടിങ് ബോർഡ് വൃത്തിയാക്കുമ്പോൾ ഇക്കാര്യങ്ങൾ ശ്രദ്ധിക്കണേ...

അടുക്കളയിൽ ഉപയോ​ഗിക്കുന്ന കട്ടിങ് ബോർഡുകൾ പലതരം മെറ്റീരിയലുകൾകൊണ്ടാണ് നിർമ്മിച്ചിരിക്കുന്നത്.

അതിൽ മിക്ക അടുക്കളയിലും കാണുന്ന കട്ടിങ് ബോർഡുകൾ തടികൊണ്ടാവും നിർമിച്ചിട്ടുണ്ടാവുക.

ഏറ്റവും കൂടൽ വൃത്തിവേണ്ടതും ആ തടികൊണ്ടുള്ള കട്ടിങ് ബോർഡിനാണ്.

തടികൊണ്ടുള്ള കട്ടിങ് ബോർഡ് വൃത്തിയാക്കുമ്പോൾ നിർബന്ധമായും ഒഴിവാക്കേണ്ട ചില അബദ്ധങ്ങൾ നോക്കാം.

മിക്ക ആളുകളും കട്ടിങ് ബോർഡ് ഉപയോ​ഗിച്ച് കഴിഞ്ഞാൽ സിങ്കിലെ വെള്ളത്തിൽ ഇടുന്നത് കാണാം. തടികൊണ്ടുള്ള കട്ടിങ് ബോർഡ് വെള്ളത്തിൽ മുക്കിവയ്ക്കുന്നത് ഒഴിവാക്കണം. കാരണം ഇത് ഈർപ്പത്തെ എളുപ്പം ആഗിരണം ചെയ്യുന്നു.

കഠിനമായ സ്‌ക്രബറുകൾ ഉപയോഗിച്ച് ഒരിക്കലും കട്ടിങ് ബോർഡ് വൃത്തിയാക്കരുത്. ഇത് കട്ടിങ് ബോർഡിന് കേടുപാടുകൾ ഉണ്ടാക്കുന്നു.

നേരിട്ട് നാരങ്ങ ഉപയോഗിച്ച് കട്ടിങ് ബോർഡ് വൃത്തിയാക്കുന്നതിന് പകരം ഉപ്പ് പോലുള്ളവ നാരങ്ങയ്‌ക്കൊപ്പം ചേർത്ത് വൃത്തിയാക്കുന്നതാണ് നല്ലത്.

ബ്ലീച്ച് ഉപയോഗിച്ച് കട്ടിങ് ബോർഡ് വൃത്തിയാക്കുന്നത് ഒഴിവാക്കുക. കഠിനമായ രാസവസ്തുക്കൾ ചേർത്താണ് ബ്ലീച്ച് തയാറാക്കിയിരിക്കുന്നത്. ഇത് തടിക്ക് ദോഷമുണ്ടാക്കുന്നു.

തടികൊണ്ടുള്ള കട്ടിങ് ബോർഡ് ഒരിക്കലും ഡിഷ്‌വാഷറിലിട്ട് കഴുകരുത്. ഇത് കട്ടിങ് ബോർഡിന് കേടുപാടുകൾ ഉണ്ടാക്കുന്നു.