ഇൻഡക്ഷൻ സ്റ്റൗ വൃത്തിയാക്കുമ്പോൾ ഈ കാര്യങ്ങൾ ശ്രദ്ധിക്കണം

ഇന്ന് അടുക്കളയിൽ പാചകം ചെയ്യാൻ പലതരം സ്മാർട്ട് ഉപകരണങ്ങളുണ്ട്. അതിൽ കൂടുതൽ പ്രചാരമേറിയ ഒന്നാണ് ഇൻഡക്ഷൻ സ്റ്റൗ.

അടുക്കളയിലെ മറ്റുള്ള വസ്തുക്കളെപോലെ തന്നെ ഇൻഡക്ഷൻ സ്റ്റൗവും നിരന്തരമായി വൃത്തിയാക്കേണ്ടത് അത്യാവശ്യമാണ്.

എന്നാൽ വൈദ്യുതിയിൽ പ്രവർത്തിക്കുന്നത് കൊണ്ട് തന്നെ ശരിയായ രീതിയിൽ വൃത്തിയാക്കിയില്ലെങ്കിൽ അടുപ്പ് കേടുവരാൻ കാരണമാകും.

പക്ഷെ വൃത്തിയാക്കുമ്പോൾ ചില കാര്യങ്ങൾ ശ്രദ്ധിച്ചില്ലെങ്കിൽ ഇൻഡക്ഷൻ സ്റ്റൗ കേടുവരാനും അപകടം ഉണ്ടാകാനും സാധ്യതയുണ്ട്.

എന്തൊക്കെ കാര്യങ്ങളാണ് ശ്രദ്ധിക്കേണ്ടത് എന്ന് നോക്കാം.

വൃത്തിയാക്കുന്നതിന് മുമ്പ് അൺപ്ലഗ് ചെയ്‌തെന്ന് ഉറപ്പ് വരുത്തണം.

പൂർണമായും ചൂടാറിയതിന് ശേഷം മാത്രം ഇൻഡക്ഷൻ സ്റ്റൗ വൃത്തിയാക്കാൻ ശ്രദ്ധിക്കണം.

ഇലക്ട്രിക്ക് ഉപകരണം ആയതുകൊണ്ട് തന്നെ അമിതമായി വെള്ളം ഉപയോഗിച്ച് വൃത്തിയാക്കുന്നത് ഒഴിവാക്കണം.

പ്രതലം മുഴുവനും തുടച്ചതിന് ശേഷം മാത്രം ക്ലീനറുകൾ ഉപയോഗിച്ച് വൃത്തിയാക്കാം.

ഇൻഡക്ഷൻ സ്റ്റൗ വൃത്തിയാക്കുമ്പോൾ , അലുമിനിയം സ്ക്രബർ ഉപയോ​ഗിച്ച് ഉരച്ച് കഴുകരുത്. ഒരു തുണിയോ സ്പോഞ്ചോ ഉപയോ​ഗിച്ചാണ് വൃത്തിയാക്കേണ്ടത്.

ഉപയോ​ഗം കഴിഞ്ഞാൽ എപ്പോഴും ഇൻഡക്ഷൻ സ്റ്റൗ തുടച്ച് വൃത്തിയാക്കേണ്ടതുണ്ട്.