ചെമ്മീൻ കഴുകി വൃത്തിയാക്കുമ്പോൾ ഇക്കാര്യങ്ങൾ ശ്രദ്ധിക്കണം

ചെമ്മീന്‍ ഇഷ്ടമില്ലാത്തവരായി നമുക്കിടയില്‍ ആരും കാണില്ല. കറിവെച്ചോ റോസ്റ്റ് ചെയ്‌തോ ചെമ്മീന്‍ കഴിക്കുന്നവരാണ് നമ്മള്‍.

എന്നാല്‍ ഭക്ഷ്യവിഷബാധയ്ക്ക് വലിയ സാധ്യതകളുള്ള മത്സ്യമാണ് ചെമ്മീന്‍.

ചെമ്മീന്‍ വൃത്തിയാക്കുമ്പോൾ ശ്രദ്ധിക്കേണ്ട ചില കാര്യങ്ങളുണ്ട്.

വൃത്തിയാക്കുന്ന സമയത്ത് ചെമ്മീനിലെ കറുത്ത നിറത്തിലുള്ള പാളി പൂർണമായും നീക്കം ചെയ്തിട്ടുണ്ടെന്ന് ഉറപ്പ് വരുത്തണം. ഇത് ചെമ്മീനിന്റെ ദഹനനാളമാണ്. ഇത് കഴിക്കുന്നത് സുരക്ഷിതമല്ല.

ശരിയായ രീതിയിൽ കഴുകി വൃത്തിയാക്കി മാലിന്യങ്ങളെ നീക്കം ചെയ്തില്ലെങ്കിൽ ചെമ്മീന്റെ രുചി നഷ്ടപ്പെടാനും സാധ്യത കൂടുതലാണ്.

ചെമ്മീൻ നല്ല രീതിയിൽ പാകം ചെയ്തതിന് ശേഷം മാത്രമേ കഴിക്കാൻ പാടുള്ളൂ. ഇതിലൂടെ അണുക്കളെ ഇല്ലാതാക്കാൻ സാധിക്കും.

ശരിയായ രീതിയിൽ വൃത്തിയാക്കാതെ ചെമ്മീൻ കഴിക്കുന്നത് അലർജി ഉണ്ടാവാൻ കാരണമാകുന്നു. അതിനാൽ തന്നെ ഇത്തരം ഭക്ഷണങ്ങൾ പാകം ചെയ്യുമ്പോൾ പ്രത്യേകം ശ്രദ്ധിക്കണം.

തലയും വാൽ ഭാഗവും നീക്കം ചെയ്തതിന് ശേഷം കറുത്ത നിറത്തിലുള്ള മാലിന്യങ്ങളും ഒഴിവാക്കാൻ ശ്രദ്ധിക്കണം. മാലിന്യങ്ങൾ പൂർണമായും കളഞ്ഞതിന് ശേഷം നന്നായി കഴുകിയാൽ മതി.