പച്ചക്കറികൾ വേവിക്കുമ്പോൾ കാര്യങ്ങൾ ശ്രദ്ധിക്കാം

പച്ചക്കറികൾ ഉൾപ്പെടുത്തിയിട്ടുള്ള ഭക്ഷണക്രമം എപ്പോഴും ആരോ​ഗ്യകരമായതാണ്.

ഇതിൽ വിറ്റാമിനുകളും ധാതുക്കളും നാരുകളും ആന്റിഓക്സിഡന്റുകളും അടങ്ങിയിട്ടുണ്ട്.

വിറ്റാമിൻ സി പോലുള്ള പോഷകങ്ങൾ അടങ്ങിയ പച്ചക്കറികൾ പ്രതിരോധശേഷി വർധിപ്പിക്കാനും സഹായിക്കുന്നു.

പച്ചക്കറികളുടെ മുഴുവൻ ​ഗുണങ്ങളും ലഭിക്കുന്നതിന് അവ വേവിക്കുമ്പോൾ ചിലകാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്.

പച്ചക്കറി എപ്പോഴും ചെറിയ ചൂടിൽ വേണം വേവിയ്ക്കാൻ. ചൂടു കൂടിയാൽ ഇവയുടെ നിറവും രുചിയും ​ഗുണവും നഷ്ടപ്പെടാനുള്ള സാധ്യതയുണ്ട്.

പച്ചക്കറികൾ വേവിക്കുമ്പോൾ എണ്ണ ഉപയോ​ഗിക്കാതിരിക്കുന്നതാണ് നല്ലത്. എണ്ണ നിർബന്ധമാണെങ്കിൽ കുറച്ച് ഒലിവ് ഓയിൽ ചേർക്കാം.

പച്ചക്കറികൾ വേവിക്കുമ്പോൾ നിറവും രുചിയും നഷ്ടപ്പെടാതിരിക്കാൻ അവയിൽ അര ടീ സ്പൂൺ പഞ്ചസാര ചേർത്തു വേവിക്കുക.

പാകം ചെയ്യുന്നതിനു മുമ്പു മാത്രമേ പച്ചക്കറികൾ അരിയാവൂ. അല്ലാത്തപക്ഷം പോഷകങ്ങൾ നഷ്ടപ്പെടും.

കറിയിൽ പച്ചക്കറിയിട്ട് വേവിക്കുന്നതാണ് നല്ലത്. ഇത് പോഷകഗുണങ്ങൾ നിലനിർത്താൻ സഹായിക്കുന്നു.