ഗോതമ്പു മാവ് ഫ്രിഡ്ജില്‍ സൂക്ഷിക്കുമ്പോൾ ഇക്കാര്യങ്ങൾ ശ്രദ്ധിക്കണം

അധികം വരുന്ന ​ഗോതമ്പു മാവ് ഫ്രിഡ്ജില്‍ ദിവസങ്ങളോളം സൂക്ഷിക്കുന്നവരാണ് നമ്മൾ എല്ലാവരും.

എന്നാല്‍ ശരിയായി സൂക്ഷിച്ചില്ലെങ്കില്‍ ഇതില്‍ അടങ്ങിയ ഈര്‍പ്പവും കാര്‍ബോഹൈഡ്രേറ്റും ബാക്ടീരിയ വളര്‍ച്ചയെ പ്രോത്സാഹിപ്പിക്കുകയും ഗുരുതര രോഗങ്ങളിലേക്ക് നയിക്കുകയും ചെയ്യും എന്ന് എത്രപേർക്ക് അറിയാം.

ഫ്രിഡ്ജില്‍ ഗോതമ്പു മാവ് സൂക്ഷിക്കുമ്പോള്‍ ചില കാര്യങ്ങള്‍ ശ്രദ്ധിക്കേണ്ടതുണ്ട്. അവ എന്തൊക്കെയെന്ന് നോക്കാം

24 മണിക്കൂറില്‍ കൂടുതല്‍ ഗോതമ്പു മാവ് ഫ്രിഡ്ജില്‍ സൂക്ഷിക്കാന്‍ പാടില്ല. ഇത് ബാക്ടീരിയ വളര്‍ചയ്ക്ക് കാരണമാകുന്നു.

സാധാരണ താപനിലയില്‍ ദീര്‍ഘനേരം സൂക്ഷിച്ച മാവ് പിന്നീട് ഫ്രിഡ്ജില്‍ വച്ച് സൂക്ഷിക്കുന്നതും നല്ലതല്ല.

മാവ് കൂടുതൽ നേരം ഇരിക്കുമ്പോൾ, അത് ഫ്രിഡ്ജില്‍ ആണെങ്കില്‍ പോലും ഘടന, മണം, രുചി എന്നിവയില്‍ മാറ്റമുണ്ടാകാം. അതുകൊണ്ട് തന്നെ സുരക്ഷ താപനില, ശുചിത്വം, കൈകാര്യം ചെയ്യുന്ന രീതി എന്നിവയെല്ലാം പ്രധാനമാണ്.

ഫ്രിഡ്ജിലെ സമയപരിധി പാലിച്ചാലും വൃത്തിയില്ലാത്ത പാത്രത്തിൽ മാവ് സൂക്ഷിക്കുകയോ കഴുകാത്ത കൈകള്‍ കൊണ്ട് കൈകാര്യം ചെയ്യുകയോ ചെയ്യുന്നത് ഭക്ഷ്യവിഷബാധയ്ക്കുള്ള സാധ്യത വര്‍ധിപ്പിക്കും

ഫ്രിഡ്ജില്‍ സൂക്ഷിക്കുമ്പോള്‍ മാവ് കട്ടിയുള്ളതാകാനുള്ള സാധ്യതയുണ്ട്. മാത്രമല്ല, ഇതില്‍ അടങ്ങിയ വിറ്റാമിൻ സി, ഫോളേറ്റ് തുടങ്ങിയ പോഷകങ്ങൾ ക്രമേണ നശിക്കാൻ തുടങ്ങുന്നു.

ഫ്രിഡ്ജില്‍ സൂക്ഷിക്കുമ്പോള്‍ മാവ് പുളിച്ചു തുടങ്ങും. ഇത് ചിലരില്‍ അസിഡിറ്റി, വയറു വീര്‍ക്കല്‍ എന്നിവ ഉണ്ടാക്കാം.