മഴക്കാലത്ത് തലയിൽ എണ്ണ പുരട്ടുമ്പോൾ ഇക്കാര്യങ്ങൾ ശ്രദ്ധിക്കണം

മഴക്കാലത്ത് മുടിയുടെയും തലയോട്ടിയുടെയും ആരോഗ്യം സംരക്ഷിക്കാൻ പലരും എണ്ണ പുരട്ടുന്നത് പതിവാണ്.

എന്നാൽ ഈ കാലാവസ്ഥയിൽ അമിതമായ ഈർപ്പവും വിയർപ്പും കാരണം എണ്ണ ഉപയോഗിക്കുമ്പോൾ ചില കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്.

തെറ്റായ രീതിയിൽ എണ്ണ പുരട്ടുന്നത് തലയിൽ ചൊറിച്ചിൽ, താരൻ, ഫംഗസ് ബാധ, മുടികൊഴിച്ചിൽ തുടങ്ങിയ പ്രശ്നങ്ങൾക്ക് കാരണമായേക്കാം.

മഴക്കാലത്ത് അമിതമായി എണ്ണ പുരട്ടുന്നത് ​​അഴുക്കും ഈർപ്പവും പോകാതെ താരൻ വളരാൻ കാരണമാകും

ആഴ്ചയിൽ ഒന്നോ രണ്ടോ തവണ നേരിയ തോതിൽ എണ്ണ പുരട്ടുക. വെളിച്ചെണ്ണ, അർഗൻ, ബദാം ഓയിൽ പോലുള്ള എണ്ണകൾ ഉപയോഗിക്കാം

എണ്ണ പുരട്ടി കൂടുതൽ നേരം ഇടാതെ ഉടൻ തന്നെ കഴുകി കളയുക.

വിയർപ്പ് തങ്ങി നിൽക്കുമ്പോഴോ തലയിൽ ഈർപ്പമുള്ളപ്പോഴോ ഒരിക്കലും എണ്ണ പുരട്ടരുത്.

എണ്ണ പുരട്ടിയ ശേഷം വിരൽത്തുമ്പ് കൊണ്ട് തലയോട്ടിയിൽ മസാജ് ചെയ്യുക. ശേഷം സൾഫേറ്റ് രഹിത ഷാംപൂ ഉപയോഗിച്ച് കഴുകിക്കളയുക