ട്രെഡ്മില്ലിൽ നടക്കുമ്പോൾ ഇക്കാര്യങ്ങൾ സൂക്ഷിക്കണേ..

എളുപ്പം ചെയ്യാവുന്ന വ്യായാമം എന്ന നിലയില്‍ ട്രെഡ്മില്ലിലെ നടത്തം പ്രയോജനകരമാണ്.

എന്നാൽ ട്രെഡ്മില്ലിൽ നടക്കുമ്പോൾ ശരിയായ രീതിയും മുൻകരുതലുകളും പാലിക്കുന്നത് പരിക്കുകൾ ഒഴിവാക്കാനും വ്യായാമത്തിന്റെ ഫലം ഉറപ്പാക്കാനും സഹായിക്കുന്നു.

ട്രെഡ്മില്ലിൽ ഉപയോ​ഗിക്കുമ്പോൾ ശ്രദ്ധിക്കേണ്ട പ്രധാന കാര്യങ്ങളെക്കുറിച്ച് നോക്കാം.

യോജ്യമായ ഷൂസ് വേണം ട്രെഡ്മില്ലിൽ ഉപയോ​ഗിക്കാൻ

സേഫ്ടി ക്ലിപ്പ് ബനിയനിലോ ട്രൗസറിലോ കൊളുത്തണം,വീണു പോയാലും ക്ലിപ് പ്രവർത്തിച്ച് യന്ത്രം തനിയെ നിൽക്കും

ട്രെഡ്മില്ലിൽ പൂർണ ശ്രദ്ധയോടെ വേണം ചെയ്യാൻ. ഫോണും മറ്റും ഉപയോഗിച്ചാൽ അതിലേക്ക് ശ്രദ്ധപോയി വീഴാം.

വശങ്ങളിലെ റെയിലിൽ മാത്രമേ ആദ്യം നിൽക്കാവൂ. യന്ത്രം പ്രവർത്തിപ്പിച്ച് തുടങ്ങിയ ശേഷം മാത്രം ബെൽറ്റിലേക്ക് കാലുകൾ വച്ച് നടന്നുതുടങ്ങാം.

ക്രമേണ മാത്രമേ യന്ത്രത്തിന്റെ വേഗം വർധിപ്പിക്കാവൂ

ബാറിൽ പിടിച്ചുകൊണ്ട് ഓടുന്നതാണ് സുരക്ഷിതം.