റഫ്രിജറേറ്റർ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ

ഇന്നത്തെ കാലത്ത് അടുക്കളകളിൽ ഒഴിച്ചുകൂടാനാകാത്ത ഉപകരണമാണ് റഫ്രിജറേറ്റർ.

ശരിയായ രീതിയിൽ റഫ്രിജറേറ്റർ ഉപയോ​ഗിച്ചില്ലെങ്കിൽ വളരെ പെട്ടന്ന് കേടുവരാനുള്ള സാധ്യതകൾ ഉണ്ട്.

ചില ചെറിയ കാര്യങ്ങൾ ശ്രദ്ധിച്ചാൽ റഫ്രിജറേറ്റർ കൂടുതൽ കാലം കേടുകൂടാതെ തുടരും.

റഫ്രിജറേറ്ററിനു ചുറ്റും വായുസഞ്ചാരം ഉറപ്പാക്കുക. ഇതിനായി ഭിത്തിയിൽ നിന്നും നാല് ഇഞ്ചെങ്കിലും അകലം ഉണ്ടായിരിക്കണം.

ആഹാരസാധനങ്ങൾ ചൂടാറിയതിനു ശേഷം മാത്രം റഫ്രിജറേറ്ററിൽ വയ്ക്കുക. എടുത്തു കഴിഞ്ഞാൽ തണുപ്പു മാറിയതിനു ശേഷം മാത്രം ചൂടാക്കുക.

കൂടെകൂടെ റഫ്രിജറേറ്റർ തുറക്കുന്നത് ഊർജ്ജനഷ്ടമുണ്ടാക്കും.

റഫ്രിജറേറ്റർ കൂടുതൽ നേരം തുറന്നിടുന്നത് ഒഴിവാക്കാനായി ആഹാരസാധനങ്ങൾ അടുക്കോടും ചിട്ടയോടെയും ഒരു നിശ്ചിത സ്ഥാനത്ത് വയ്ക്കാൻ ശ്രദ്ധിക്കുക.

റഫ്രിജറേറ്ററിൽ ആഹാര സാധനങ്ങൾ കുത്തിനിറച്ച് ഉപയോഗിക്കുന്നത് വൈദ്യുതി ചെലവു കൂട്ടും. മാത്രമല്ല ഇത് റഫ്രിജറേറ്ററിനകത്തെ സുഗമമായ തണുത്ത വായു സഞ്ചാരത്തിന് തടസ്സം ഉണ്ടാക്കുകയും ആഹാരസാധനങ്ങൾ കേടാകുകയും ചെയ്യും.

വോൾട്ടേജ് കുറവുള്ള സമയങ്ങളിൽ റഫ്രിജറേറ്റർ ഓഫ് ചെയ്യുന്നതിലൂടെ വൈദ്യുതി ലാഭിക്കാനും പ്രവർത്തന കാലം നീട്ടാനും സാധിക്കും.