ഭക്ഷണ അലർജി: നിങ്ങൾ നിർബന്ധമായും അറിയേണ്ട കാര്യങ്ങൾ

ഒരു ഭക്ഷ്യവസ്തുവുമായി ശരീരം പൊരുത്തപ്പെടാതിരിക്കുകയും വിവിധ ലക്ഷണങ്ങളോടെ പ്രതികരിക്കുകയും ചെയ്യുന്ന ഒരവസ്ഥയാണ് ഭക്ഷണത്തോടുള്ള അലർജി അഥവാ ഫുഡ് അലർജി.

നിങ്ങൾക്ക് ഏറെ പ്രിയപ്പെട്ട ഭക്ഷണങ്ങൾ തന്നെ ഒരുപക്ഷേ ഫുഡ് അലർജി ഉണ്ടാക്കാം.

ഭക്ഷണ അലർജിയെക്കുറിച്ച് അറിഞ്ഞിരിക്കേണ്ട ചില കാര്യങ്ങൾ എന്തൊക്കെയെന്ന് നോക്കാം

അലർജി മാറില്ല

കാലങ്ങളോളം കഴിക്കാതിരുന്നാൽ അലർജി തനിയെ മാറിക്കോളും എന്ന ധാരണ പൂർണ്ണമായും തെറ്റാണ്. നാളുകൾക്ക് ശേഷം കഴിക്കുമ്പോൾ റിയാക്ഷൻ കൂടുതൽ രൂക്ഷമാകാനാണ് സാധ്യത കൂടുതൽ.

പൂർണ്ണമായി ഒഴിവാക്കുക

അലർജിയുള്ള ഭക്ഷണങ്ങൾ (പ്രത്യേകിച്ച് ഞണ്ട്, ചെമ്മീൻ, കക്ക തുടങ്ങിയവ) ചെറിയ അളവിൽ പോലും കഴിക്കാതിരിക്കുക.

ലക്ഷണങ്ങൾ കണ്ടാൽ ഉടൻ ആശുപത്രിയിൽ പോകുക

അലർജിയുള്ള ഭക്ഷണം കഴിച്ചതിന് ശേഷം ശ്വാസതടസ്സം, തൊണ്ടയിലോ ചുണ്ടിലോ നീര് വരിക, ദേഹത്ത് തടിപ്പും ചൊറിച്ചിലും അനുഭവപ്പെടുക, തലകറക്കം എന്നിവ ഉണ്ടായാൽ ഒട്ടും സമയം കളയാതെ തൊട്ടടുത്തുള്ള ആശുപത്രിയിൽ എത്തിക്കുക.

അലർജി ഉണ്ടാക്കുന്ന ഭക്ഷണങ്ങൾ

ബീഫ്, പോർക്ക് തോടുള്ള മത്സ്യങ്ങളായ കൊഞ്ച്, കണവ, ചെമ്മീൻ, ഞണ്ട്, കക്ക, കല്ലുമ്മക്കായ തുടങ്ങിയവയ അലർജി ഉണ്ടാക്കുന്ന പ്രധാനപ്പെട്ട ഭക്ഷണങ്ങളാണ്.