വൈറ്റമിൻ സി സിറം വാങ്ങും മുൻപ് അറിയണം ഇക്കാര്യങ്ങള്‍

ശരീരത്തിന് വളരെ പ്രധാനമായ വൈറ്റമിനുകളിൽ ഒന്നാണ് വൈറ്റമിൻ സി.

ചർമത്തിന് തിളക്കവും യുവത്വവും നൽകുന്നതിൽ ഇതിന് വലിയ പ്രാധാന്യമുണ്ട്.

ചർമ്മത്തിന്റെ ആരോ​ഗ്യം സംരക്ഷിക്കുന്നതിന് വൈറ്റമിൻ സി സിറം വാങ്ങാൻ ആഗ്രഹിക്കുന്നവർക്ക് സംശയങ്ങളും നിരവധിയാണ്.

വൈറ്റമിൻ സി സിറം വാങ്ങുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയെന്ന് നോക്കാം

പാക്കേജിങ്ങിൽ ശ്രദ്ധിക്കണം

ഇരുണ്ട കുപ്പികളിൽ പാക് ചെയ്തിട്ടുള്ള വൈറ്റമിൻ സി സീറം തിരഞ്ഞെടുക്കുക. ഇരുണ്ട ഇടങ്ങൾ വേണം ഇവ സൂക്ഷിക്കുന്നതിന് തിരഞ്ഞെടുക്കാൻ. അല്ലെങ്കിൽ വൈറ്റമിൻ സി സീറം ഓക്സിഡൈസ് ആകും, നിറം ഇരുണ്ടതാകും. പിന്നീട് ഇവ ഉപയോഗശൂന്യമാണ്

വൈറ്റമിൻ സി സ്ട്രെങ്ത്

10–15% ആണ് ആവശ്യമായ വൈറ്റമിൻ സി സ്ട്രെങ്ത്. എട്ടു ശതമാനത്തിൽ താഴെയുള്ളത് ചർമത്തിനു ഗുണകരമാകില്ല. അതേസമയം 20ൽ കൂടുതൽ ചർമത്തെ അസ്വസ്ഥമാക്കാം.

വില

ആക്ടീവ് ഇൻഗ്രീഡിയന്റ്സ് ആയ വൈറ്റമിൻ സി പോലുള്ളവ ഗുണമേന്മയുള്ള മികച്ച ബ്രാൻഡ് തന്നെ തിരഞ്ഞെടുക്കുക.

വൈറ്റമിൻ സി സോൾട്സ്

സീറം വാങ്ങുമ്പോൾ ബോട്ടിലിൽ അടയാളപ്പെടുത്തിയിരിക്കുന്ന വൈറ്റമിൻ സി സോൾട്സ് ഏതാണെന്ന് പരിശോധിക്കണം. മഗ്‌നേഷ്യം അസ്കോർബിൽ ഫോസ്ഫേറ്റ്, സോഡിയം അസ്കോർബിൽ ഫോസ്ഫേറ്റ്, ഇത്തൈലസ്കോർബിക് ആസിഡ് എന്നിവയാണ് വേണ്ടത്.

ഫെറൂലിക് ആസിഡ്

വൈറ്റമിൻ സിയോടൊപ്പം ഫെറൂലിക് ആസിഡ് ചേരുന്ന സീറം തിരഞ്ഞെടുത്താൽ ചർമകാന്തി ഇനിയും മികച്ചതാകും.