ചിക്കന്‍ 65 എന്ന് പേരു വന്നത് ഇങ്ങനെയാണ്..!

ചിക്കന്‍ ഐറ്റങ്ങളില്‍ എന്നും വായയില്‍ വെള്ളം നിറയ്ക്കുന്നതാണ് ചിക്കന്‍65.

ചിക്കന്റെ ഏറ്റവും രുചിയുള്ള ഐറ്റത്തിന് എങ്ങനെയാണ് ചിക്കന്‍ 65 എന്ന് പേരു വന്നത് എന്ന് ഒരിക്കല്‍ എങ്കിലും നിങ്ങള്‍ ചിന്തിച്ചിട്ടുണ്ടാകില്ലേ?

ഈ ചിക്കൻ 65 വിദേശത്ത് നിന്ന് വന്നതാണെന്ന് കരുതുന്നുണ്ടോ? എങ്കിൽ അത് തെറ്റാണ്.ആള് തനി ഇന്ത്യക്കാരനാണ്.അതും സൗത്ത് ഇന്ത്യക്കാരൻ

ചിക്കൻ 65ന്റെ പേരിന് പിന്നിലെ കഥ പറഞ്ഞു തരാം.

ചിക്കന്റെ ഈ രുചികരമായ വിഭവം ആദ്യമായി അവതരിപ്പിച്ചത് ചെന്നൈയിലാണ്.

1965-ല്‍ ചെന്നൈയിലെ ബുഹാരി റസ്റ്റോറന്റിലാണ് ചിക്കന്‍ 65 എന്ന വിഭവത്തിന്റെ പിറവി.

ഹോട്ടലിൽ നടന്ന പുതുവർഷ പാർട്ടിയിൽ വിളമ്പിയ ഒരു ചിക്കൻ വിഭവമായിരുന്നു ഇത്.‌

പാർട്ടിയിൽ എത്തിയ അതിഥികളിൽ ഒരാൾ ഈ വിഭവത്തിന്റേ പേരു ചോദിക്കുകയും, തുടർന്ന് ബുഹാരിയുടെ ഉടമയായ എഎം ബുഹാരി അവിടെവെച്ച് വിഭവത്തിന് ചിക്കൻ 65 എന്ന് പേരിടുകയുമായിരുന്നു.

1965-ല്‍ കണ്ടുപിടിച്ച വിഭവമായതിനാലാണ് താൻ ആ വിഭവത്തിന് ചിക്കൻ 65 എന്ന് പേരിടാന് കാരണമെന്ന് എ എം ബുഹാരി പിന്നീട് വ്യക്തമാക്കിയിരുന്നു.

എന്നാൽ ബുഹാരി ഹോട്ടലിൽ ലഭിക്കുന്ന ഒറിജിനൽ രുചിയല്ല തെരുവോരങ്ങളിലെ കടകളിലും മറ്റു ഹോട്ടലുകളിലും ലഭിക്കുന്ന ചിക്കൻ 65 നുള്ളത്. ബുഹാരിയ്ക്ക് അവരുടേതായ ഒരു രഹസ്യകൂട്ട് തന്നെ ഉണ്ട്.

ഇത് മാത്രമല്ല ഈ പേരുവരാന്‍ കാരണമായി പറയുന്ന മറ്റുചില കഥകളും ഉണ്ട്.

ആദ്യമായി ഈ വിഭവം ഉണ്ടാക്കാന്‍ 65 ചിക്കന്‍ പീസുകള്‍ ഉപയോഗിച്ചാണ് അത് കൊണ്ടാണ് ഈ പേര് വന്നത് എന്നാണ് ഒരു കഥ.

65 തരം മസാലകളില്‍ ഈ വിഭവം ഉണ്ടാക്കാന്‍ കഴിയും എന്നതിനാലാണ് ഈ പേര് വന്നത് എന്നും ,മറ്റൊരു അഭിപ്രായം സൈനികരുടെ മെനുവിലെ 65മത്തെ ഐറ്റം ആയതിനാലാണ് ഇതിന് ചിക്കന്‍ 65 എന്ന് പേരുവന്നത് എന്നാണ്.