മൂക്ക് കുത്തുന്നതിന് പിന്നിലെ ആരോ​ഗ്യ രഹസ്യം ഇതാണ്

സ്ത്രീകളുടെ സൗന്ദര്യ സങ്കൽപ്പങ്ങളിൽ ഒഴിച്ചുകൂടാനാവാത്ത ഒന്നാണ് മൂക്കുത്തി.

വെറുമൊരു അലങ്കാരത്തിനപ്പുറം, ആയുർവേദത്തിലും ശാസ്ത്രത്തിലും വലിയ പ്രാധാന്യമാണ് മൂക്കുത്തി ധരിക്കുന്നതിലൂടെ ലഭിക്കുന്നത്.

മൂക്കിലെ ചില പ്രത്യേക നാഡീഞരമ്പുകളെ ഉത്തേജിപ്പിക്കുന്നത് വഴി ശരീരത്തിലെ പല പ്രവർത്തനങ്ങളെയും നിയന്ത്രിക്കാൻ ഇതിലൂടെ സാധിക്കുമെന്നാണ് ആയുർവേദം പറയുന്നത്.

പ്രധാനമായും സ്ത്രീകളുടെ പ്രത്യുത്പാദന വ്യവസ്ഥയുമായി മൂക്കുത്തിക്ക് അടുത്ത ബന്ധമുണ്ടെന്നാണ് പറയപ്പെടുന്നത്.

ഇടത് വശത്ത് മൂക്ക് കുത്തുന്നതിനാണ് ഇന്ത്യയിൽ കൂടുതൽ പ്രാധാന്യം നൽകുന്നത്.

ആയുർവേദ പ്രകാരം, ഇടതുവശത്തെ മൂക്ക് കുത്തുന്നത് സ്ത്രീകളുടെ ഗർഭപാത്രവുമായി ബന്ധപ്പെട്ട നാഡികളെ സ്വാധീനിക്കുന്നു. ഇത് ആർത്തവ വേദന കുറയ്ക്കുന്നതിനും പ്രസവ പ്രക്രിയ സുഗമമാക്കുന്നതിനും സഹായിക്കുമെന്ന് കരുതപ്പെടുന്നു.

മൂക്കിലെ ഈ പ്രത്യേക ബിന്ദുവിൽ സമ്മർദ്ദം ഏൽപ്പിക്കുന്നത് വഴി മാനസിക സമ്മർദ്ദം കുറയ്ക്കാനും ശ്വസനപ്രക്രിയ കൂടുതൽ മെച്ചപ്പെടുത്താനും സാധിക്കുമെന്ന് ചില പഠനങ്ങൾ സൂചിപ്പിക്കുന്നു.

കേവലം ആചാരത്തിനപ്പുറം, തലമുറകളായി കൈമാറി വന്ന ഈ ശീലം സ്ത്രീകളുടെ ആരോഗ്യ സംരക്ഷണത്തിനുള്ള ഒരു ഉപാധി കൂടിയാണ്.

സ്വർണ്ണമോ വെള്ളിയോ പോലുള്ള ലോഹങ്ങൾ ഉപയോഗിക്കുന്നത് വഴി ചർമ്മത്തിന് അലർജി ഉണ്ടാവാനുള്ള സാധ്യത കുറയുകയും ശരീരത്തിലെ ഊർജ്ജ നില മെച്ചപ്പെടുകയും ചെയ്യുന്നു.