കൊതുകിനെ തുരത്താൻ ഈ ഒരു സവാള വിളക്ക് മതി

കൊതുകിനെ തുരത്തുന്നതിന് നമ്മൾ പലതരം ഉത്പന്നങ്ങൾ ഉപയോഗിക്കാറുണ്ട്.

ഈ ഉത്പന്നങ്ങളിൽ രാസവസ്തുക്കൾ ഉണ്ടാവാൻ സാധ്യതയുള്ളതുകൊണ്ട് തന്നെ ഇത് ഉപയോഗിക്കുന്നത് അത്ര സുരക്ഷിതമല്ല.

പ്രകൃതിദത്തമായ രീതിയിൽ കൊതുകിനെ തുരത്താൻ വീട്ടിൽതന്നെ ഉണ്ടാക്കാവുന്ന വിളക്കാണ് സവാള വിളക്ക്.

സവാള വിളക്ക് എങ്ങനെ ഉണ്ടാക്കുന്നത് എന്ന് നോക്കാം.

വലിപ്പമുള്ള ഒരു സവാള, രണ്ട് കർപ്പൂരം, കുറച്ച് കുരുമുളക്, കടുക് എണ്ണ, കോട്ടൺ തിരി എന്നിവയാണ് സവാള വിളക്ക് തയാറാക്കാൻ വേണ്ടത്.

സവാളയുടെ മുകൾ ഭാഗം മുറിച്ചുകളയണം. ശേഷം കത്തി ഉപയോഗിച്ച് അതിന്റെ ഉൾഭാഗം മുഴുവനും നീക്കം ചെയ്യാം.

അതിലേക്ക് നന്നായി പൊടിച്ചെടുത്ത കർപ്പൂരവും, കുരുമുളകും ഇടണം.

അതിലേക്ക് കടുക് എണ്ണ ഒഴിച്ച് തിരിവെച്ച് കത്തിക്കാം.

ഈ വിളക്ക് മുറിയുടെ ഒരു കോണിൽ വെച്ചാൽ മതി. ഇതിന്റെ ശക്തമായ ഗന്ധവും പുകയും കൊതുകിനെ അകറ്റി നിർത്താൻ സഹായിക്കുന്നു.

അതേസമയം വീടിനുള്ളിൽ ഇത് കത്തിക്കുമ്പോൾ സുരക്ഷ മുൻകരുതലുകൾ സ്വീകരിക്കേണ്ടതുണ്ട്. തുറന്ന സ്ഥലത്താവണം ഇത് കത്തിച്ചുവയ്ക്കേണ്ടത്. പെട്ടെന്ന് കത്തിപ്പിടിക്കുന്ന വസ്തുക്കൾ ഇതിനടുത്ത് സൂക്ഷിക്കാനും പാടില്ല.