വീട്ടിൽ മത്സ്യങ്ങളെ വളർത്തുന്നവർ ഇക്കാര്യം ശ്ര​ദ്ധിക്കണം

ശരിയായ രീതിയിൽ പരിചരണം നൽകിയില്ലെങ്കിൽ മത്സ്യങ്ങൾ പെട്ടെന്ന് ചത്തുപോകും.

മത്സ്യങ്ങളെ വളർത്തുമ്പോൾ ഫിഷ് ടാങ്ക് മുതൽ അവയ്ക്ക് നൽകുന്ന ഭക്ഷണത്തിൽ വരെ നമ്മൾ പ്രത്യേകം ശ്രദ്ധിക്കേണ്ടതുണ്ട്.

മത്സ്യങ്ങൾ ചത്തുപോകാതിരിക്കാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് അറിയാം.

നൈട്രജന്റെ അഭാവം

അക്വാറിയത്തിൽ മത്സ്യങ്ങൾക്ക് നൽകുന്ന ഭക്ഷണവും അവയുടെ മാലിന്യങ്ങളും കൂടിചേർന്നാൽ അത് വിഷാംശമായി മാറും. ഇതുമൂലം മത്സ്യങ്ങൾ പെട്ടെന്ന് ചത്തുപോകുന്നത് തടയാൻ നൈട്രജൻ ടാങ്കിനുള്ളിൽ സ്ഥാപിക്കണം.

അമിതമായി ഭക്ഷണം കൊടുക്കരുത്

വളർത്ത് മത്സ്യങ്ങൾക്ക് ഒരു ദിവസം രണ്ടിൽ കൂടുതൽ തവണ ഭക്ഷണം കൊടുക്കാൻ പാടില്ല.

ശുദ്ധമല്ലാത്ത വെള്ളം

ശുദ്ധമല്ലാത്ത വെള്ളം, വെള്ളത്തിലെ താപനിലയിൽ ഉണ്ടാകുന്ന വ്യത്യാസങ്ങൾ, ക്ലോറിൻ കലർന്ന വെള്ളം തുടങ്ങിയവ മത്സ്യങ്ങൾക്ക് പറ്റാത്തതാണ്. ഇത് അവയെ അസ്വസ്ഥരാക്കുക മാത്രമല്ല മത്സ്യങ്ങൾ ചത്തുപോകാനും കാരണമാകുന്നു.

ഒരുമിച്ചിടുമ്പോൾ ശ്രദ്ധിക്കാം

അമിതമായി മത്സ്യങ്ങളെ ഒരുമിച്ചിടുന്നത് ഒഴിവാക്കണം. ഇത് മത്സ്യങ്ങൾക്ക് ശരിയായ രീതിയിൽ വളരുന്നതിന് തടസമാകുന്നു.

വൃത്തിയാക്കാതിരിക്കുക

എല്ലാ ആഴ്ച്ചയിലും ടാങ്ക് വൃത്തിയാക്കാൻ ശ്രദ്ധിക്കണം. ഇല്ലെങ്കിൽ അഴുക്കും അണുക്കളും അടിഞ്ഞുകൂടുകയും ഇതുമൂലം മത്സ്യങ്ങൾ ചത്തുപോകാൻ ഇടയാവുകയും ചെയ്യും.