ഒരേ ഇരിപ്പിരിക്കുന്നവരാണോ? ഡെഡ് ബട്ട് സിൻഡ്രത്തെ പേടിക്കണം

മണിക്കൂറുകൾ ഒരേ ഇരിപ്പിരിക്കുന്നവർക്ക് ഉണ്ടാകുന്ന അവസ്ഥയാണ് ഡെഡ് ബട്ട് സിൻഡ്രം. പിൻഭാഗത്തുള്ള മൂന്നു പേശികളിൽ പ്രധാനപ്പെട്ട ഒന്നാണ് ഗ്ലൂട്ടൽ പേശികൾ. ദീർഘനേരമുള്ള ഇരിപ്പു കൊണ്ട് ഈ പേശികൾ ദുർബലവും നിർജീവവുമായിപ്പോകുകയും ചെയ്യുന്ന അവസ്ഥായാണിത് .

ഡെഡ് ബട്ട് സിൻഡ്രത്തിന്‍റെ ലക്ഷണങ്ങൾ;-

തുടക്കത്തിൽ പിൻഭാഗത്ത് പെരുപ്പും ചെറിയൊരു വേദനയും അനുഭവപ്പെട്ട് പതിയെ വേദന സമീപഭാഗങ്ങളിലേക്കും ഇടുപ്പിലേക്കും കാലിലേക്കുമൊക്കെ വ്യാപിക്കും

ഗ്ലൂട്ടൽ പേശികളിൽ ഒരു മുറുക്കവും ദുർബലാവസ്ഥയും അനുഭവപ്പെടാം.

ഏറെ നേരം ഇരുന്നിട്ട് എഴുന്നേൽക്കുമ്പോൾ നടക്കാനോ പടികൾ കയറാനോ ഒക്കെ ബുദ്ധിമുട്ട് അനുഭവപ്പെടാം.

ചികിത്സ ;-

തത്കാലത്തേക്ക് വേദന മാറ്റാൻ ചൂടോ തണുപ്പോ ഉപയോ​ഗിക്കാം

നടക്കുകയോ പടി കയറുകയോ ചെയ്യുമ്പോൾ പിൻഭാഗത്തു വേദന അനുഭവപ്പെടുന്നുണ്ടെങ്കിൽ അത്തരം പ്രവൃത്തികളിൽ ഏർപ്പെടാതിരിക്കുക

പേശികളിൽ മൃദുവായി മസാജ് ചെയ്യുന്നതും വേദനയ്ക്കു കുറവു നൽകും

ആവശ്യമെങ്കിൽ വേദനാസംഹാരികൾ ഉപയോഗിക്കാം.

ഡോക്ടറുടെ നിർദേശപ്രകാരം അവസ്ഥയുടെ തീവ്രത അനുസരിച്ച് ഫിസിക്കൽ തെറപ്പിയോ മറ്റു വ്യായാമ ചികിത്സകളോ ചെയ്യാവുന്നതാണ്