സ്വന്തം ബഹിരാകാശ നിലയമുള്ള ഏക രാജ്യം, പുതിയ ചൈനീസ് സഞ്ചാരികള്‍ ടിയാങ്കോങ്ങില്‍

ടിയാങ്കോങ് ബഹിരാകാശ നിലയം സ്ഥാപിച്ചതിലൂടെ ലോകത്തെ ഞെട്ടിച്ച ചൈന ചാന്ദ്ര ദൗത്യങ്ങളിലൂടെ പുതിയ ആകാശങ്ങള്‍ തേടിയുള്ള യാത്രയിലാണ്. നിലവില്‍ ലോകത്ത് സ്വന്തമായി ബഹിരാകാശ നിലയമുള്ള ഏക രാജ്യമാണ് ചൈന

ഷെന്‍ഷൗ-19 ദൗത്യം വിജയമായതോടെ മൂന്ന് ചൈനീസ് ബഹിരാകാശ സഞ്ചാരികള്‍ ബഹിരാകാശ നിലയത്തില്‍ പ്രവേശിച്ചു. അടുത്ത ആറു മാസം ഇവരായിരിക്കും ബഹിരാകാശ നിലയത്തിലുണ്ടാവുക.

മിഷന്‍ കമാന്‍ഡര്‍ കായ് സൂഷെ, ബഹിരാകാശ യാത്രികരായ സോങ് ലിംഗ്‌ഡോംങ്, വാങ് ഹാവോസ് എന്നിവരടങ്ങുന്നതാണ് ഷെന്‍ഷൗ-19 ക്രൂ

ചൈനയിലെ ഏക വനിതാ ബഹിരാകാശ എഞ്ചിനീയറും ക്രൂഡ് ബഹിരാകാശ യാത്രയില്‍ പങ്കെടുക്കുന്ന മൂന്നാമത്തെ വനിതയുമാണ് വാങ്

വിവിധ രാജ്യങ്ങളുടെ സഹകരണത്തോടെ പ്രവര്‍ത്തിക്കുന്ന രാജ്യാന്തര ബഹിരാകാശ നിലയത്തില്‍നിന്നു പുറത്താക്കപ്പെട്ടതോടെയാണ് ചൈന സ്വന്തം നിലയം സ്ഥാപിച്ചത്.