ടെസ്റ്റും സിക്സും... സൗത്തിയും ഗെയ്‌ലും!

ടെസ്റ്റിൽ നിന്നു വിരമിക്കാൻ ഒരുങ്ങുകയാണ് വെറ്ററൻ പേസറും മുൻ ന്യൂസിലൻഡ് ക്യാപ്റ്റനുമായ ടിം സൗത്തി.

ഇം​ഗ്ലണ്ടിനെതിരായ മൂന്നാം ക്രിക്കറ്റ് ടെസ്റ്റ് താരത്തിന്റെ അവസാന അന്താരാഷ്ട്ര ടെസ്റ്റ് പോരാട്ടം.

മത്സരത്തിൽ ആദ്യം ബാറ്റിങിനു ഇറങ്ങിയ കിവികൾക്കായി താരം മികച്ച ബാറ്റിങ് നടത്തി. 10 പന്തിൽ 3 സിക്സും 1 ഫോറും സഹിതം 23 റൺസെടുത്തു.

ഇതോടെ ഒരപൂർവ ടെസ്റ്റ് റെക്കോർഡിന്റെ എലൈറ്റ് പട്ടികയിൽ സൗത്തി ഇനി നാലാമൻ.

ടെസ്റ്റിൽ ഏറ്റവും കൂടുതൽ സിക്സുകൾ നേടുന്ന താരങ്ങളുടെ എലൈറ്റ് പട്ടികയിലാണ് കിവി പേസർ മുന്നിലേക്ക് കയറിയത്.

ഇതിഹാസ വെസ്റ്റ് ഇൻഡീസ് താരം ക്രിസ് ​ഗെയ്‌ലിന്‍റെ നേട്ടത്തിനൊപ്പമാണ് സൗത്തി എത്തിയത്.

​ഗെയ്‌ലിനും സൗത്തിക്കും ടെസ്റ്റിൽ 98 സിക്സുകൾ വീതം.

133 സിക്‌സുമായി ഇംഗ്ലണ്ട് ടെസ്റ്റ് ക്യാപ്റ്റൻ ബെൻ സ്റ്റോക്‌സാണ് പട്ടികയിൽ ഒന്നാമൻ. മക്കെല്ലം (107), ഗിൽക്രിസ്റ്റ് (100) എന്നിവർ രണ്ടും മൂന്നും സ്ഥാനത്ത്. നാലാമൻ സൗത്തി.