രാവിലെയുള്ള അടുക്കള ഭാരം കുറയ്ക്കാം; ഈ വഴികൾ ചെയ്യൂ

ഒറ്റയ്ക്ക് താമസിച്ച് ജോലിക്കും പഠിക്കാനും പോകുന്നവരാണ് നമ്മളിൽ മിക്കവരും

നിങ്ങൾ ഏറ്റവും കഷ്ടപ്പെടുന്നത് രാവിലെ പോകുന്നതിന് മുൻപേയുള്ള പാചകം തന്നെയാണ്

രാവിലെയുള്ള ഈ പാചകം എളുപ്പമാക്കാനും അടുക്കള വൃത്തിയായിട്ട് ഇരിക്കാനുമുള്ള ചില പൊടിക്കൈകൾ പരിചയപ്പെടാം.

കടയിൽ നിന്നും വാങ്ങിവരുന്ന പച്ചക്കറികളും മറ്റും കൊണ്ടുവന്ന ഉടൻ തന്നെ അതിന്റേതായ സ്ഥാനങ്ങളിൽ എടുത്ത് വെയ്ക്കുക.

ദിവസവും കഴിക്കാനുള്ള ഭക്ഷണങ്ങൾ എന്ത് എന്ന ഒരു ഫുഡ് ചാർട്ട് ഉണ്ടാക്കുന്നത് കൃത്യമായ പ്ലാനിലൂടെ പോകുന്നതിന് ഉപകരിക്കും.

തോരൻ, കറികൾ എന്നിവയ്ക്ക് അനുസരിച്ച് പച്ചക്കറികൾ അരിഞ്ഞ് ഫ്രിഡ്ജിൽ വെയ്ക്കുന്നത് രാവിലെ ഉള്ള പാചകം എളുപ്പമാക്കാൻ സഹായിക്കും.

ഉറങ്ങുന്നതിന് മുൻപ് തന്നെ പിറ്റേദിവസത്തേയ്ക്കുള്ള സാധനങ്ങൾ എടുത്ത് വെയ്ക്കുന്നത് രാവിലത്തെ ധൃതി ഒഴിവാക്കും.

പാചകത്തിനായി ഉപയോ​ഗിക്കുന്ന പാത്രങ്ങൾ ഉപയോ​ഗം കഴിഞ്ഞ ഉടനെ തന്നെ വൃത്തിയാക്കിവെയ്ക്കുക. ഇത് കിച്ചൺ സിങ്കിൽ പാത്രങ്ങൾ അടിഞ്ഞ് കൂടുന്നത് ഒഴിവാക്കുന്നു.

രാത്രി കിടക്കുന്നതിന് മുൻപ് അടുക്കള തുടച്ച് വൃത്തിയാക്കി വെയ്ക്കുന്നത് എപ്പോഴും അടുക്കള ഫ്രഷായി ഇരിക്കാൻ സഹായിക്കും.

ആഴ്ചയിൽ ഒഴിവുള്ള ദിവസം അടുക്കളയും ഫ്രിഡ്ജും വൃത്തിയാക്കിവെയ്ക്കുന്നത് ജോലി ഭാരം കുറയ്ക്കുന്നു.

അടുക്കളയിൽ എന്തൊക്കെ ഇല്ല, എന്തെല്ലാം വാങ്ങണം എന്നതിനെ കുറിച്ച് കൃത്യമായ ധാരണ എപ്പോഴും ഉണ്ടായിരിക്കണം.