വീട്ടിലെ ഉറുമ്പ് ശല്യം ഇല്ലാതാക്കാം, ചില വഴികള്‍ ഇതാ

വീടുകളിൽ സ്ഥിരമായി കാണുന്നതാണ് ഉറുമ്പുകൾ

എത്ര തുരത്തി ഓടിച്ചാലും അവ പോകാറേയില്ല.

ഇവയെ തുരത്താൻ രാസവസ്തുക്കൾ ഉപയോഗിക്കേണ്ടതില്ല. പ്രകൃതിദത്തമായി തന്നെ ഉറുമ്പിനെ ഇല്ലാതാക്കാം.

എളുപ്പത്തിൽ ഉറുമ്പുകളെ പമ്പകടത്താനുള്ള വഴികൾ ഇതാ.

വിനാ​ഗിരി

വിനാഗിരിയുടെ ശക്തമായ ഗന്ധത്തെ മറികടക്കാൻ ഉറുമ്പുകൾക്ക് സാധിക്കില്ല. വിനാഗിരിയും വെള്ളവും ചേർത്തതിന് ശേഷം ഉറുമ്പ് വരാറുള്ള സ്ഥലങ്ങളിൽ സ്പ്രേ ചെയ്താൽ മതി. ദിവസവും ഇങ്ങനെ ചെയ്യുന്നത് നല്ലതായിരിക്കും.

ഗ്രാമ്പുവും കറുവപ്പട്ടയും

ഉറുമ്പ് വരുന്ന സ്ഥലങ്ങളിൽ ഇവ പൊടിച്ചോ അല്ലാതെയോ വിതറിയാൽ മതി. ഉറുമ്പിനെ തുരത്തുന്നതിനൊപ്പം വീട്ടിലെ ദുർഗന്ധത്തെ അകറ്റാനും ഇതിന് സാധിക്കും.

നാരങ്ങ നീര്

നാരങ്ങയുടെ ശക്തമായ ഗന്ധത്തെ അജീവിക്കാൻ ഉറുമ്പുകൾക്ക് സാധിക്കില്ല. വെള്ളത്തിൽ നാരങ്ങ നീര് ചേർത്ത് വീടുകളിലെ മേശകളിലും അടുക്കളയിലെ കൗണ്ടർടോപ്പിലും ഫ്ലോറിലും തളിച്ച് കൊടുത്താൽ മതി. ഉറുമ്പിന്റെ ശല്യം ഇല്ലാതാകും.

ഉപ്പും കുരുമുളകും

ഉറുമ്പ് വരാൻ സാധ്യതയുള്ള സ്ഥലങ്ങളിൽ ഉപ്പും മുളകും വിതറിയാൽ മതി. പിന്നീട് ആ ഭാഗത്ത് ഉറുമ്പുകൾ വരില്ല.

വെള്ളരിയുടെ തൊലി

വെള്ളരിയുടെ ഗന്ധവും രുചിയും ഉറുമ്പുകൾക്ക് പറ്റാത്തതാണ്. ഉറുമ്പ് വരുന്ന സ്ഥലങ്ങളിൽ വെള്ളരിയുടെ തൊലിയിട്ടാൽ മതി.