നാളെ ബ്രേക്ക്ഫാസ്റ്റിന് നല്ല സോഫ്റ്റ് ഇടിയപ്പം ഉണ്ടാക്കിയാലോ?

കറിയില്ലാതേയും, കറിയുടെ കൂടേയും കഴിക്കാൻ പറ്റുന്നതും എല്ലാവർക്കും താല്പര്യമുള്ളതുമായ ഒരു ബ്രേക്ക്ഫാസ്റ്റാണ് ഇടിയപ്പം.

പക്ഷെ ഈ ഇടിയപ്പം അത്ര എളുപ്പമല്ല ഉണ്ടാക്കാൻ. ഇനി ഉണ്ടാക്കിയാലോ സോഫ്റ്റായി കിട്ടുകയും ഇല്ല എന്ന പരാതിയാണ് ചിലർക്കെങ്കിലും.

സോഫ്റ്റ് ഇടിയപ്പം ഉണ്ടാക്കുന്ന കുറച്ച് വഴി പറഞ്ഞു തരട്ടെ.

ഇനി ഇടിയപ്പം ഉണ്ടാക്കാൻ ചൂടുവെള്ളത്തിനും പച്ചവെള്ളത്തിനും പകരം നല്ല തേങ്ങാപാൽ ഒഴിച്ച് ഒന്ന് കുഴച്ചു നോക്കൂ.തേങ്ങാപ്പാലിൽ കുഴച്ചെടുക്കുമ്പോൾ ഇടിയപ്പത്തിന്റെ ടേസ്റ്റ് കൂടും എന്ന് മാത്രമല്ല നല്ല സോഫ്റ്റുമായിരിക്കും.

മാവ് കുഴക്കുമ്പോള്‍ തന്നെ ചൂടുവെള്ളം ചേര്‍ത്ത് അതിലേക്ക് നെയ്യ് മിക്സ് ചെയ്ത് ഉപ്പും ചേര്‍ത്ത് ഒന്ന് കുഴച്ചാല്‍ മാവ് അപ്പോള്‍ തന്നെ സോഫ്റ്റ് ആയിമാറുന്നത് കാണാം.

ഇടിയപ്പത്തിന് മാവ് തയ്യാറാക്കുമ്പോള്‍ അല്‍പം ചോറ് എടുത്ത് പേസ്റ്റ് രൂപത്തിലാക്കി അരിപ്പൊടിയുമായി കൂട്ടിക്കുഴച്ചാൽ ഇടിയപ്പം നല്ല സോഫ്റ്റ് ആയി മാറും.

ഇടിയപ്പത്തിന് മാവ് കുഴക്കുമ്പോൾ പാത്രത്തിലിട്ട് കുഴക്കാതെ കൗണ്ടർ ടോപ്പിൽ വെച്ച് കുഴക്കുകയാണെങ്കിൽ പെട്ടന്ന് കുഴഞ്ഞ് കിട്ടുകയും പ്രഷർ എല്ലാ ഭാ​ഗത്തേക്കും ലഭിക്കുന്നതിനാൽ മാവ് നല്ല സോഫ്റ്റായി ലഭിക്കുകയും ചെയ്യും.