രാവിലെ തന്നെ തുമ്മൽ തുടങ്ങിയോ? മാറ്റാൻ വഴികളുണ്ട്

ഏത് കാലാവസ്ഥയാണെങ്കിലും ചിലർ രാവിലെ എഴുന്നേറ്റ ഉടൻ നിർത്താതെ തുമ്മാറുണ്ട്. പലരും ഇത് നിസ്സാരമായി കണ്ട് തള്ളിക്കളയാറും ഉണ്ട്.

ചിലരുടെ തുമ്മൽ 15 മിനിറ്റ് വരെ നീണ്ട് നിൽക്കും. പലരും ഇത് കാര്യമാക്കാറില്ല. എന്നാൽ കാര്യം അത്ര നിസ്സാരമല്ല.

തുമ്മൽ കൂടിയാൽ പിന്നെ അത് ക്രമേണ ശ്വാസകോശത്തിൽ നീർക്കെട്ട് ഉണ്ടാകുന്നതിലേക്ക് നയിച്ചേക്കാം. അതിനാൽ തുടക്കത്തിൽ തന്നെ ജാ​ഗ്രത വേണം.

രാവിലെയുള്ള തുമ്മൽ അകറ്റാൻ വീട്ടിൽ പരീക്ഷിക്കാവുന്ന ചില ഒറ്റമൂലികൾ നോക്കാം.

ഏലയ്ക്കാപ്പൊടി

ഏലയ്ക്കാപ്പൊടി തേനിൽ ചാലിച്ച് കഴിക്കുന്നത് ചുമ, ജലദോഷം എന്നിവ അകറ്റും.

പുതിനയില

രണ്ട് സ്പൂൺ പുതിനയിലയുടെ നീരും ഒരു നുള്ള് കുരുമുളകും അൽപം തേനും ചേർത്ത് കഴിച്ചാൽ തുമ്മൽ കുറയ്ക്കാം.

നാരങ്ങാനീര്

രണ്ട് ടീസ്പൂൺ തേനിൽ അൽപം നാരങ്ങാനീര് ചേർത്ത് കഴിക്കുന്നത് രാവിലെയുള്ള തുമ്മൽ കുറയ്ക്കാൻ സഹായിക്കും.

ഇഞ്ചി

ഇഞ്ചി കഴുകി ചെറുചൂടുവെള്ളത്തിലിട്ട് വയ്ക്കുക. അരമണിക്കൂർ കഴിഞ്ഞ് കുടിക്കുക. ഇതിൽ തേൻ ചേർത്തും കഴിക്കാവുന്നതാണ്.

ചെറുനാരങ്ങ

ചെറുനാരങ്ങ നീര് ഒരു ​ഗ്ലാസ് തിളപ്പിച്ച വെള്ളത്തിൽ ഒഴിച്ച ശേഷം ആവശ്യത്തിന് പഞ്ചസാരയും ചേർത്ത് ചെറുചൂടോടെ രാത്രി കിടക്കുന്നതിന് മുൻപ് കുടിക്കാം.

തുളസിയില

ചതച്ച തുളസിയിലയും കുരുമുളകുപൊടിയും ഒരു ​ഗ്ലാസ് വെള്ളത്തിൽ ചേർത്ത്, തിളപ്പിച്ച് നേർ പകുതിയാക്കി കഴിക്കാം.