ഇവ ചെയ്താൽ അരിയിൽ കീടശല്യം ഒഴിവാക്കാം

അരി ഒരുമിച്ച് വാങ്ങി സൂക്ഷിക്കുന്ന രീതിയാണ് നമുക്കുള്ളത്.

അരി വാങ്ങി സൂക്ഷിക്കുമ്പോൾ അതിൽ കീടങ്ങളുടെ ശല്യം ഉണ്ടാകുന്നു. ഈർപ്പം ഉണ്ടാകുമ്പോഴും, ശരിയായ രീതിയിൽ സൂക്ഷിക്കാതെ വരുമ്പോഴുമാണ് ഇത്തരത്തിൽ കീടശല്യം ഉണ്ടാവുന്നത്.

പ്രകൃതിദത്തമായ രീതിയിൽ കീടങ്ങളെ അകറ്റാൻ ഇവ ചെയ്താൽ മതി.

ആര്യവേപ്പ്

നിരവധി ആരോഗ്യ ഗുണങ്ങൾ അടങ്ങിയ ഒന്നാണ് ആര്യവേപ്പില. അരി സൂക്ഷിക്കുന്ന പാത്രത്തിലേക്ക് കുറച്ച് ആര്യവേപ്പില ഇട്ടുവയ്ക്കുന്നത് കീടങ്ങളെ അകറ്റാൻ സഹായിക്കുന്നു.

വെളുത്തുള്ളി.

അരി വായുകടക്കാത്ത പാത്രത്തിലാക്കി വെളുത്തുള്ളിയിട്ട് അടച്ച് സൂക്ഷിക്കാം. വെളുത്തുള്ളിയുടെ ശക്തമായ ഗന്ധത്തെ അതിജീവിക്കാൻ കീടങ്ങൾക്ക് സാധിക്കില്ല.

ഗ്രാമ്പു

അരി സൂക്ഷിക്കുന്ന പാത്രത്തിൽ ഗ്രാമ്പു ഇട്ടുവയ്ക്കണം. ഇത് കീടങ്ങളെ അകറ്റി നിർത്താൻ സഹായിക്കുന്നു.

പുതിന ഇല

പുതിന ഇല നന്നായി ഉണക്കിയതിന് ശേഷം അരി സൂക്ഷിക്കുന്ന പാത്രത്തിൽ ഇട്ടുവയ്ക്കാം. പുതിന ഇല ഉപയോഗിച്ചും കീടങ്ങളെ അകറ്റി നിർത്താൻ സാധിക്കും.

സൂര്യപ്രകാശം

അരി ഇടയ്ക്ക് സൂര്യപ്രകാശം കൊള്ളിക്കുന്നതിലൂടെ കീടങ്ങൾ വരുന്നതിനെ തടയാൻ സാധിക്കും. നല്ല വെയിലുള്ള സമയത്ത് അരി ഉണക്കാൻ വയ്ക്കാം. കുറഞ്ഞത് 5 മണിക്കൂർ എങ്കിലും ഇത് സൂര്യപ്രകാശം ലഭിക്കുന്ന വിധത്തിൽ സൂക്ഷിക്കണം.