കുപ്പിയിലെ എണ്ണക്കറ നീക്കം ചെയ്യാൻ ഇത്ര എളുപ്പമോ?

എണ്ണ ഒഴിച്ചുവയ്ക്കുന്ന പാത്രങ്ങളിൽ കറ കട്ടിപ്പിടിച്ചിരിക്കുന്നത് പലരും നേരിടുന്ന അടുക്കള പ്രശ്നമാണ്.

എണ്ണ ഒഴിച്ചുവയ്ക്കുന്ന പാത്രങ്ങളിൽ കറ കട്ടിപ്പിടിച്ചിരിക്കുന്നത് പലരും നേരിടുന്ന അടുക്കള പ്രശ്നമാണ്.

സ്ഥിരമായി ഒരു കുപ്പിയിൽ തന്നെ എണ്ണ ഒഴിച്ചുവയ്ക്കുമ്പോൾ ഇത്തരത്തിൽ കറ പിടിക്കാറുണ്ട്.

ഇടയ്ക്കിടെ കുപ്പി മാറ്റിയാലും എണ്ണക്കറ അവശേഷിക്കാറുണ്ട്.

ഈ പ്രശ്‌നത്തിന് വീട്ടിൽ തന്നെയുണ്ട് മികച്ച പരിഹാരം.

എണ്ണ കറയുള്ള കുപ്പികൾ ഇളം ചൂട് വെള്ളത്തിൽ കഴുകുന്നതാണ് നല്ലത്. ഇങ്ങനെ ചെയ്യുമ്പോൾ കുപ്പിയുടെ അടിഭാഗത്ത് തങ്ങി നിൽക്കുന്ന എണ്ണയുടെ കറയെ എളുപ്പത്തിൽ നീക്കം ചെയ്യാൻ സാധിക്കുന്നു.

ഒരു കോലിൽ ടിഷ്യൂ പേപ്പർ ചുറ്റി കുപ്പിക്കുള്ളിൽ ഇറക്കുക. ഇത് ഉപയോഗിച്ച് കുപ്പിയിലെ എണ്ണയെ തുടച്ചെടുക്കാൻ സാധിക്കും. കുപ്പിയിൽ അവശേഷിക്കുന്ന എണ്ണയെ പൂർണമായും നീക്കം ചെയ്യാൻ ഇങ്ങനെ ചെയ്യുന്നത് നല്ലതാണ്

ഡിഷ് വാഷ് സോപ്പ് അല്ലെങ്കിൽ ലിക്വിഡ് ചേർത്ത ചൂട് വെള്ളം ബോട്ടിലിലാക്കി കഴുകിയാൽ എണ്ണക്കറ പൂർണമായും പോകും. ബോട്ടിൽ വൃത്തിയാക്കുന്ന ബ്രഷ് ഉണ്ടെങ്കിൽ അത് ഉപയോഗിച്ചും ഉരച്ച് കഴുകിയെടുക്കാവുന്നതാണ്.

കുപ്പിയിൽ ദുർഗന്ധമോ അണുക്കളോ ഉണ്ടെങ്കിൽ അവ പോകാൻ നാരങ്ങ അല്ലെങ്കിൽ വിനാഗിരി ഉപയോഗിക്കുന്നത് നല്ലതായിരിക്കും. വെള്ളത്തിനൊപ്പം നാരങ്ങ നീര് ചേർത്ത് കുപ്പി വൃത്തിയായി കഴുകിയെടുത്താൽ മാത്രം മതി.

കുപ്പി വൃത്തിയാക്കി കഴിയുമ്പോൾ നന്നായി ഉണങ്ങിയതിന് ശേഷം മാത്രം ഉപയോഗിക്കാൻ ശ്രദ്ധിക്കണം. നനവുള്ള കുപ്പിയിൽ എണ്ണ സൂക്ഷിച്ചാൽ എണ്ണയുടെ ഗുണത്തെയും ഉപയോഗത്തെയും ബാധിക്കും.