നേരം നഷ്‌ടപ്പെടാതിരിക്കാനുള്ള ചില സ്മാർട്ട് മാർഗങ്ങൾ

പൊതുവെ നമ്മളെല്ലാവരും ഒരുപോലെ പറയുന്ന പരാതിയാണ് ഒന്നിനും സമയം കിട്ടുന്നില്ല എന്ന്.

എന്നാൽ സമയത്തെ നല്ലരീതിയിൽ വിനിയോ​ഗിച്ചാൽ ആ പരാതി മാറ്റാവുന്നതാണ്.

ടൈം മാനേജ്മെന്റിനുള്ള ചില ട്രിക്കുകൾ നോക്കാം.

ടൈം മാനേജ്മെന്റിന് നമ്മൾ ഏറ്റവും ആദ്യം ചെയ്യേണ്ട ഒന്നാണ് നേരത്തെ എഴുന്നേൽക്കുക എന്നത്. അതിരാവിലെ എഴുന്നേൽക്കുന്നത് ടൈം മാനേജ്മെന്റിന് മാത്രമല്ല ആ ദിവസം ഊർജ്ജസ്വലരായി ഇരിക്കാനും സഹായിക്കും.

ഓരോ ദിവസവും ഉണ്ടാക്കേണ്ട ഭക്ഷണങ്ങളുടെ ചാർട്ട് തയ്യാറാക്കുക. ഇത് രാവിലെ കൂടുതൽ സമയം അടുക്കളയിൽ ചെലവഴിക്കുന്നത് തടയാൻ സഹായിക്കുന്നു.

ഭക്ഷണത്തിനായി ഉപയോ​ഗിക്കുന്ന പച്ചക്കറികളും പഴങ്ങളും നേരത്തെ കഴുകി വൃത്തിയാക്കി അരിഞ്ഞ് ഫ്രിഡ്ജിൽവെയ്ക്കുക. ഇത് പാചകം എളുപ്പമാക്കും.

ഒരാഴ്ചത്തേക്കുള്ള വസ്ത്രങ്ങൾ അയേൺ ചെയ്ത് വെയ്ക്കുക. ഇത് രാവിലെയുള്ള ഓട്ടപ്പാച്ചിൽ കുറക്കാൻ സഹായിക്കും.

ടൈം മാനേജ്മെന്റിൽ നമ്മൾ പ്രധാനമായും ചെയ്യേണ്ട മറ്റൊന്നാണ് അന്നന്ന് ചെയ്യേണ്ട കാര്യങ്ങൾ അന്നന്ന് തന്നെ ചെയ്യുക എന്നത്. ഇങ്ങനെ ചെയ്യാതെ ഇരിക്കുമ്പോൾ പണികൾ ഒന്നിന് മീതെ ഒന്നായി അടിഞ്ഞ് കൂടുകയും പിന്നീട് അവ ചെയ്യാൻ സമയമില്ലാതാവുകയും ചെയ്യുന്നു.

എന്ത് കാര്യങ്ങൾ ചെയ്യുമ്പോഴും പ്ലാൻ ചെയ്ത് ചെയ്യുന്നത് സമയം ലാഭിക്കാൻ സഹായിക്കുന്നു.

രാത്രിയിൽ നേരത്തെ ഭക്ഷണം കഴിച്ചതിന് ശേഷം നേരത്തെ തന്നെ കിടന്ന് ഉറങ്ങാൻ ശ്രമിക്കുക.