അടുക്കള എപ്പോഴും വൃത്തിയായി സൂക്ഷിക്കാം

അടുക്കള വൃത്തിയായി സൂക്ഷിക്കുന്നത് ആരോഗ്യമുളള ജീവിതത്തിന്റെ ആദ്യപടിയാണ്.

ചെറിയൊരു വിട്ടുവീഴ്ച പോലും ആരോഗ്യത്തെ ബാധിക്കും.

അടുക്കള എളുപ്പത്തിൽ വൃത്തിയാക്കാനുള്ള ചില ടിപ്പുകൾ നോക്കാം

ഉപയോഗിച്ച പാത്രങ്ങള്‍ കെട്ടിക്കിടക്കാതെ ഉടന്‍ കഴുകി വയ്ക്കുക. സിങ്ക് വൃത്തിയായി ഇരിക്കുന്നത് അടുക്കളയില്‍ ദുര്‍ഗന്ധം ഉണ്ടാക്കുന്നത് തടയും. പാചകത്തിന്‌ കൂടുതല്‍ സൗകര്യം നല്‍കുകയും ചെയ്യും.

അടുക്കളയില്‍ ഉണ്ടാകുന്ന വെറ്റ്-ഡ്രൈ മാലിന്യങ്ങള്‍ വേര്‍തിരിച്ച് വെയ്ക്കാം.

അടുക്കളയില്‍ ടിഷ്യൂ കൂടുതലായി ഉപയോഗിക്കുന്നതിന് പകരം മൈക്രോഫൈബര്‍ തുണികള്‍ ഉപയോഗിക്കാം. അവ ഇടയ്ക്കിടെ കഴുകി വൃത്തിയായി സൂക്ഷിക്കണം.

അടുക്കള ദിവസേന അടിച്ചുവാരി വൃത്തിയാക്കുക. കിച്ചണ്‍ കൗണ്ടറിനു മുകളിലുള്ള ടൈലുകളും സ്ഥിരമായി തുടച്ച് വൃത്തിയാക്കണം.

കിച്ചണ്‍ കൗണ്ടറില്‍ വീഴുന്ന ഭക്ഷണപദാര്‍ത്ഥങ്ങളും, എണ്ണയും മറ്റും ഉടന്‍ തുടയ്ക്കുക. വൈകിയാല്‍ കറ പിടിച്ചു പോകുകയും അടുക്കളയുടെ വൃത്തിയും ഭംഗിയും നശിപ്പിക്കുകയും ചെയ്യും.

അടുക്കളയിലെ അലമാരകള്‍ കൃത്യമായ ഇടവേളകളില്‍ അകത്തും പുറത്തും വൃത്തിയാക്കണം.

പാത്രങ്ങള്‍, പാചകോപകരണങ്ങള്‍, ക്ലീനിംഗ് സാമഗ്രികള്‍ എന്നിവയ്ക്കായി പ്രത്യേക സ്‌പേസുകള്‍ ഉണ്ടാക്കി വയ്ക്കുന്നത് ആവശ്യമുള്ളത് എളുപ്പത്തില്‍ എടുക്കാൻ സഹായിക്കും.