കടല കുതിർക്കാൻ മറന്നോ? ടെൻഷൻ വേണ്ട, ഈ പൊടിക്കൈകൾ പരീക്ഷിക്കാം

മലയാളികളുടെ പ്രഭാതഭക്ഷണത്തിൽ കടലയ്ക്ക് വലിയ പ്രാധാന്യമുണ്ട്

തലേന്ന് വെള്ളത്തിൽ കുതിർത്ത കടലയാണ് പിറ്റേന്ന് കറിയ്ക്ക് ഉപയോഗിക്കുന്നത്.

എന്നാൽ പലരും തലേന്ന് കടല വെള്ളത്തിലിടാൻ മറക്കാറുണ്ട്.

ഇത്തരം സന്ദർഭത്തിൽ വെള്ളത്തിൽ കുതിർക്കാതെ കടല വേവിച്ചെടുക്കാൻ കഴിയുന്ന പൊടിക്കൈകൾ നോക്കാം.

ക്വിക്ക് സോക്ക്

ആദ്യം കടല നല്ലതു പോലെ കഴുകി പ്രഷർ കുക്കറിൽ തിളച്ച വെള്ളം ചേർത്ത് 5 മുതൽ 10 മിനിറ്റ് നേരം തിളപ്പിക്കുക. തീ ഓഫ് ചെയ്ത ശേഷം ഒരു മണിക്കൂർ മൂടി വയ്ക്കുക. പിന്നീട് സാധാരണ പോലെ കടല വേവിക്കാം. ഇത് കടല കൂടുതൽ മൃദുവാകാൻ സഹായിക്കും.

ബേക്കിങ് സോഡ

കടല വേവിക്കാനുള്ള വെള്ളത്തിൽ ഒരു നുള്ള് ബേക്കിങ് സോഡ (¼ tsp വരെ) ചേർക്കുക. ഇത് കടലയുടെ പുറംതൊലി മൃദുവാക്കും. കടല വേഗം വേവാനും സഹായിക്കും.

പ്രഷർ കുക്കർ

നന്നായി കഴുകിയ കടല പ്രഷർ കുക്കറിൽ ഇട്ട് മൂന്ന് മടങ്ങ് വെള്ളം ഒഴിച്ച് എട്ട് വിസിൽ വരുന്നതു വരെ വേവിക്കുക. ശേഷം പ്രഷർകുക്കറിന്റെ സമ്മർദം പൂർണമായും മാറിയ ശേഷം അൽപം ഉപ്പ് ചേർത്ത് വീണ്ടും വിസിൽ വരുന്നതു വരെ വേവിക്കാം.

ഇലക്ട്രിക് കുക്കർ

ഹൈ പ്രഷർ മോഡിൽ കടല 35–40 മിനിറ്റ് വേവിക്കുക. എന്നാൽ 10 മിനിറ്റ് കഴിഞ്ഞ് എടുക്കുക. ഇത് കടല മൃദുവാകാൻ സഹായിക്കും.