തക്കാളി ചീഞ്ഞു പോകുന്നത് സ്വപ്നങ്ങളിൽ മാത്രം; ഇതിലൊരു വിദ്യ ട്രൈ ചെയ്യൂ

വീട്ടമ്മമാരുടെ അടുക്കളയിലെ വലിയൊരു പ്രശ്നമാണ് താക്കാളി ഫ്രിഡിജിൽവെച്ചാലും പുറത്ത് വെച്ചാലും പെട്ടന്ന് കേടായിപ്പോകുന്നത്.

എന്നാൽ ശരിയായ രീതിയിൽ സൂക്ഷിക്കുകയാണെങ്കിൽ തക്കാളി കേടുവരാതെ കുറേ ദിവസം ഇരിക്കുന്ന പച്ചക്കറികൂടിയാണ്

ഈ കാര്യങ്ങൾ ചെയ്താൽ തക്കാളിയുടെ അടുക്കളയിലെ ആയുസ് നമുക്ക് കൂട്ടാം

തക്കാളി ഒരിക്കലും പാത്രത്തിലാക്കി അടച്ചു വയ്ക്കരുത്. വായു സഞ്ചാരമുള്ള ഇടങ്ങളിലോ പാത്രത്തിലോ സൂക്ഷിക്കാം.

പേപ്പർ ബാഗിലാക്കി തക്കാളി വയ്ക്കുന്നത് അത് പെട്ടെന്ന് കേടാകാതിരിക്കാൻ സഹായിക്കും.

മുറിച്ച തക്കാളി പെട്ടെന്ന് കേടായിപ്പോയേക്കാം. അതിനാൽ ഒരു പാത്രത്തിലാക്കി സൂക്ഷിച്ചു വയ്ക്കാം. ഇത് തക്കാളി കേടുവരാതിരിക്കാൻ ഫലപ്രദമാണ്.

നേരിട്ട് സൂര്യപ്രകാശം ഉള്ള ഇടങ്ങളിൽ തക്കാളി സൂക്ഷിക്കരുത്.

തക്കാളി കടയിൽ നിന്നു വാങ്ങിയാൽ വീട്ടിലെത്തിയ ഉടൻ കഴുകി വെള്ളം തുടച്ചതിനു ശേഷം സൂക്ഷിക്കാം.

ഒരു ബോക്‌സിലേയ്ക്ക് ടിഷ്യു പേപ്പർ മടക്കി വെച്ചതിനു ശേഷം അതിലേയ്ക്ക് കുറച്ചു പൊടിയുപ്പ് വിതറിയിട്ട് അതിൽ തക്കാളി വെച്ച് എടുത്തുവെയ്ക്കാവുന്നതാണ്.

തക്കാളിയുടെ ഞെട്ടിന്റെ ഭാഗം കത്തികൊണ്ട് കളഞ്ഞതിനു ശേഷം എതിർഭാഗത്ത് പ്ലസ് രൂപത്തിൽ ഒന്ന് മുറിച്ചു കൊടുക്കണം. ഒരു സിപ് ലോക്ക് കവറിൽ ഈ തക്കാളി മുഴുവൻ നിറച്ചതിനുശേഷം അതിലെ വായു മുഴുവൻ കളഞ്ഞതിന് ശേഷം കവർ അടച്ചു ഫ്രീസറിൽ വയ്ക്കാം.മാസങ്ങളോളം കേടുവരാതിരിക്കും